Nk’uko byemezwa n’abaturanyi b’uyu muryango, ngo icyateye uburakari uwo mugabo ni uko akeka ko umugore we amuca inyuma.

Ngo umugore yari atashye umugabo amubajije aho avuye iryo joro umugore yanga kumusubiza aramureka bararyama, umugore amaze gusinzira umugabo afata umusumari wa santimetero 15 awujomba umugore we mu gitsina.

Uwamwiza Chantal, Umunyamabanga Nshingwabikorwa w’Umurenge wa Nyamugari yavuze ko bapfuye amakimbirane asanzwe yo mu miryango.

Yagize ati “Turabona ko bapfuye amakimbirane yo mu miryango umugabo ngo yamuteye umusumari mu gitsina ngo bimugwiririye, yakekaga ko umugore amuca inyuma. Ngo yaje nijoro umugabo amubaza aho avuye iryo joro umugore ntiyahavuga amakimbirane ava aho niko kumutera uwo umusumari”.

Nyuma yo gukomeretsa umugore we yagerageje gutoroka yihisha ku muturanyi aza gufatwa n’inzego zishinzwe umutekano ashyikirizwa Polisi ya Kirehe ishami rya Rusumo akaba ari naho afungiye mu gihe hagikorwa iperereza.

Kanyebeshi yemera ko yateye umugore we umusumari mu gitsina ariko ngo ntiyari abigambiriye ahubwo ngo byatewe n’uburakari yatewe n’uwo mugore.

Niyonambaza Diane yahise agezwa mu kigo nderabuzima cya Bukora basanga bisaba ubundi bushobozi yoherezwa mu bitaro bya Kirehe ari naho arwariye.

Kanyebeshi na Tuyambaze babana mu buryo butemewe n’amategeko akaba ari umugore wa kabiri wa Kanyebeshi nyuma yo guta umugore we w’isezerano.

Servilien Mutuyimana