Nk’uko Benurugo abitangaza , ngo yari asanzwe ashyamiranye na Nyirabukwe kuko babanaga mu rugo ariko umugabo ntagire icyo abikoraho.

Benurugo ngo yagiye guhinga asize abana na mukecuru mu rugo, atashye asanga mukecuru yaciriye aho abana bakinira amubaza niba atarwaye igituntu. Uwo mukecuru yahise ajya kumurega ku bahungu be harimo n’umugabo we, Minani Pierre Celestin, ariko ngo bifata ubusa.

Ku wa kane tariki 1/3/2012 uwo mugore yongeye gushyamirana na Nyirabukwe bapfa gucira. Uyu mugore avuga ko yiyamye nyirabukwe gucira , umukecuru akazana umwuko ngo amukubite, nawe agahita amutanga akamunigisha umushumi w’umwenda agahita apfa.

Benurugo w’imyaka 43 acumbikiwe kuri sitasiyo ya Polisi ya Rukoma naho nyirabukwe Bakankwiro yashyinguwe tariki 2 /3/2012.

Marie Josee Uwiringira