Ibi babitangaje nyuma y’ibendera riheruka kumanurwa rikajugunwa hasi kubiro by’akagari ka Mwumba mu murenge wa Busengo,

Bakaba babisabwe kuri uyu wa 6/3/2015 ubwo inama y’umutekano yaguye y’akarere ka Gakenke yari yateranye iyobowe n’umuyobozi w’akarere Deogratias Nzamwita.

Yatangaje ko hagomba no gukazwa amarondo kugira ngo abaturage barusheho kwizera umutekano w’amatungo yabo, bityo bikazatuma gahunda yo kurarana n’amatungo iranduka burundu.

Ikindi inama yizeho ni uko hagomba gukorwa ibishoboka byose kugira ngo impfu zitunguranye zigabanuke, kuko nta kwezi gushyira nta bantu bagera kuri badaofuye mu buryo butunguranye.

Abari mu nama bemeje ko hakazakorwa ubukangurambaga abaturage, bigishwa uburyo bagomba gutahamo mu gihe bavuye mu kabari n’inzira bagomba kuzajya bacamo.

Ikindi kibazo kigiye guhagurikirwa ni uburyo amatungo magufi atwarwamo yaba ku igare cyangwa kuri za moto, kuko bitemewe n’amategeko kubera ko bishobora kugira ingaruka ku buzima bw’abantu barya izo nyama.

Amatungo akunda gutwarwa mu buryo butemewe yiganjemo ingurube, ihene, intama n’inkoko. Aaya matungo yose ngo akwiye kujya atwarwa m uburyo bwemewe kandi buteganwa n’amategeko.

Mu rwego rwo kurushaho gukaza umutekano no guhangana n’abawuhungabanya, abayobozi b’imirenge bagomba kureba ahantu hose hakinirwa urusimbi n’abarukina, ubundi bakajya babafata bagashikirizwa inzego zibishinzwe kuko nabo bari mu bantu bahungabanya umutekano.

Byose bigomba guherekezwa no gukomeza gukangurira abaturage kurushaho kugira isuku yabo niyaho barara kuburyo kwambara inkweto biba umuco w’abatuye akarere ka Gakenke.

Abdul Tarib