Imibare y’ibyangijwe n’iyi mvura yamaze hafi amasaha abiri ntibiramara kubarurwa, gusa ubuyobozi bw’Umurenge wa Busasamana bwemeza ko bihari.

Umukozi ushinzwe ubuhinzi mu Murenge wa Busasamana, Ir Kanani Enani yabwiye Kigali Today ko hari imyaka yangirikiye mu mirima y’abaturage ndetse n’amazu akaba yasenyutse.

Yagize ati “Ubu ntiturabasha kumenya neza ibyangiritse ariko mu masaha ari imbere tumaze kwakira raporo biraza kumenyekana”.

Yatangaje ko mu Kagari ka Gahondo ko muri uyu Murenge wa Busasamana inzu ya kopetative “Dufatanye umurimo” ariyo byamaze kwemezwa ko yasenyutse biturutse kuri iyo mvura yaguye mu buryo budasanzwe yiganjemo n’urubura rwinshi.

Umukozi ushinzwe ubuhinzi mu Karere ka Nyanza ndetse n’ushinzwe imicungire y’ibiza bavuga ko bategereje raporo ziva mu mirenge kugira ngo barebe uburemere bw’ikibazo cyatewe n’iyi mvura.

Jean Pierre Twizeyeyezu