KT TV
Abarenga ku mabwiriza yo gukumira Coronavirus bafatwa nk’abigomeka ku buyobozi – Polisi
Polisi y’u Rwanda mu Ntara y’Amajyaruguru iratangaza ko kurenga ku mabwiriza yashyizweho n’ubuyobozi bw’igihugu mu gukumira ikwirakwizwa ry’icyorezo cya Coronavirus, bifatwa nko kwigomeka ku buyobozi; iki kikaba ari n’icyaha gihanwa n’amategeko y’u Rwanda.
Ibi umuvugizi wa Polisi y’u Rwanda mu Ntara y’Amajyaruguru, CIP Alex Rugigana, arabivuga nyuma y’aho mu turere tugize iyi Ntara, cyane cyane ahantu hahurira abantu benshi nko mu ma centre, amasoko n’imihanda hagaragara abantu batubahiriza aya mabwiriza.
Kuwa gatandatu tariki 21 Werurwe 2020 hasohotse itangazo ryashyizweho umukono na Minisitiri w’Intebe ririho amabwiriza arebana no kwirinda icyorezo cya Coronavirus gikomeje guhitana benshi ku isi.
Muri iyi Ntara, hakaba hakomeje kugaragara abarenga kuri ayo mabwiriza, bakora ibinyuranyije na yo. CIP Alex Rugigana yagize ati: “Duhangayikishijwe no kuba hari ahakomeje kugaragara abantu barenga ku mabwiriza yashyizweho n’ubuyobozi bukuru bw’igihugu cyacu. Hari ahakigaragara abakora ubucuruzi rwihishwa bw’ibitari ibiribwa, hari abafungura utubari cyangwa abatwimuriye mu ngo zabo, abagaragara mu mihanda batwaye ibinyabiziga cyangwa bagenda n’amaguru nta mpamvu zifatika bafite z’urugendo, aba bose turabibutsa ko bafatwa nk’abigometse ku mabwiriza y’ubuyobozi”.
CIP Rugigana akomeza avuga ko hatangiye gufatwa ibyemezo by’ibihano birimo no gucibwa amande, kandi mu ngo bishobora no kugira abo bikururira igifungo.
Yagize ati: “Abaturage ntibakwiye kwijujutira ibyemezo bijyanye no gucibwa amande, kuko ni kimwe mu bihano bitangwa kandi byemewe n’amategeko mu Rwanda, ndetse harimo n’igifungo; aho umuntu ashobora gufungwa kuva ku mezi atandatu. Iyo kwigomeka ku byemezo by’ubuyobozi biteje ikindi kibazo, umuntu ashobora gufungwa kugeza ku myaka irindwi. Dusaba Abaturage kutabifata nk’ibintu byoroshye, ni yo mpamvu izi ngamba buri wese agomba kuzumva kandi akazubahiriza, kuko igihugu kitifuza ko Abaturage batagerwaho n’iki cyorezo”.
N’ubwo Polisi itatangaje umubare w’abamaze gufatwa bagacibwa amande, ariko ngo hari abafatwa bacunze ubuyobozi ku ijisho bagafungura utubari n’abatwimuriye mu ngo zabo, abazamuye ibiciro by’ibicuruzwa by’ibiribwa, n’abafatwa bacuruza ibitemewe.
Icyorezo cya Coronavirus gihangayikishije isi, abarenga 395.600 bo mu bihugu 196 bamaze kuyandura, naho abarenga 17.200 imaze kubahitana.
Inkuru zijyanye na: Coronavirus
- Perezida Museveni wa Uganda bamusanzemo COVID-19
- Bangladesh: Habonetse abantu 68 banduye COVID-19 mu masaha 24
- #COVID19: Abantu 32 banduye mu cyumweru babonetse mu bipimo 11,440
- #COVID19: Abantu 27 banduye mu cyumweru babonetse mu bipimo 9,528
- #COVID19: Abantu 28 banduye mu cyumweru babonetse mu bipimo 9,555
- #COVID19: Abantu 23 banduye mu cyumweru babonetse mu bipimo 8,951
- #COVID19: Abantu babiri banduye babonetse mu bipimo 1,212
- #COVID19: Nta muntu wanduye mushya mu bipimo 1,215
- #COVID19: Umuntu umwe wanduye yabonetse mu bipimo 1,290
- #COVID19: Umuntu umwe wanduye yabonetse mu bipimo 1,131
- #COVID19: Abantu babiri banduye babonetse mu bipimo 1,224
- #COVID19: Abantu batanu banduye babonetse mu bipimo 1,515
- #COVID19: Abantu 6 banduye babonetse mu bipimo 974
- #COVID19: Umuntu umwe wanduye yabonetse mu bipimo 1,828
- #COVID19: Abanduye batatu babonetse mu bipimo 2,071
- #COVID19: Umuntu umwe wanduye yabonetse mu bipimo 1,500
- #COVID19: Abantu babiri banduye babonetse mu bipimo 1,467
- #COVID19: Umuntu umwe wanduye yabonetse mu bipimo 1,207
- #COVID19: Nta muntu wanduye mushya mu bipimo 1,328
- #COVID19: Umuntu umwe yitabye Imana, abanduye ni 2,195
Ibitekerezo ( 1 )
Ohereza igitekerezo
|
|
Nkunda ibintu byinshi mu rwanda ariko ngira urwegi rumwe nanga, kubera ukuntu rwiha umwanya rudakwiye.
Police yacu, wagirango ni umutwe witerabwoba wemewe. Akazi kabo ni ako guhubuka no kurenganya abaturage.