KT TV
Ikirunga cya Nyiragongo kirimo kuruka
Abaturage bari i Busasamana muri Rubavu bitegeye ikirunga cya Nyiragongo baravuga ko babonye igikoma kimanuka kivuye ku munwa w’ikirunga.
Ubu imyotsi yaka iraboneka ihereye mu kibaya gihuza u Rwanda na Congo.
Abaturage bakegereye bakavuga ko igikoma kirimo kwerekeza i Goma.
Kuva ikirunga cyatangira kuruka nta mutingito urumvikana.
Gusa abaturage mu mujyi ya Goma na Gisenyi batashywe n’ubwoba ndetse imodoka zimwe zatangiye kuva mu mujyi basa n’abahunga bagana muri Rugerero batinya ko byaza kubasanga mu mujyi wa Gisenyi.
Bamwe mu baturage bahunze baravuga ko bahisemo guhunga kuko bumvise bigeze mu kibaya cyegereye u Rwanda.
U Rwanda rwafunguye imipaka ngo rutangire kwakira abanye-Congo bahungiye iruka rya Nyiragongo mu Rwanda. Abakozi ba Croix Rouge bihutiye kugera ku mupaka w’u Rwanda na Congo baje gufasha kwakira abo baturage.
🔴Abanye Congo bari kwakiranwa ubwuzu🔴
Nyuma yo guhura n’ikiza cyo kuruka kwa Nyiragongo bagahungira mu #Rwanda Abanyarwanda bamaze kwakira abanye Congo basaga 3500 nkuko bitangazwa na @RwandaEmergency @ktpressrwanda @ktradiorw #RwOT pic.twitter.com/VgUORYqCvR
— Kigali Today (@kigalitoday) May 22, 2021
Perezida Félix-Antoine Tshisekedi Tshilombo, wari uri mu ruzinduko rw’akazi i Burayi yahisemo kurusubika bitunguranye, kugira ngo aze gukurikiranira hafi iki kibazo kiri kubera mu Majyaruguru y’igihugu ayobora.
Abanyekongo bashimiye Perezida Kagame wasabye ko imipaka ifungurwa kugira ngo abagizweho ingaruka n’iruka ry’iki kirunga babashe kubona ubuhungiro mu Rwanda.
Merci au peuple Rwandais! Merci au Président @PaulKagame d'avoir ordonné l'ouverture de la frontière pour laisser passer la population paniquée. pic.twitter.com/dPk4OFwUIh
— Dominique MPUNDU (@Dompundu) May 22, 2021
Inkuru zijyanye na: Nyiragongo
- Rubavu: Abagizweho ingaruka n’iruka rya Nyiragongo babayeho bate?
- Goma: Ubuyobozi bwasabye abahunze iruka rya Nyiragongo gusubira mu ngo
- Rubavu: Imiryango 2,504 yangirijwe n’imitingito imaze guhabwa ubutabazi
- Rubavu: Ibitaro bya Gisenyi byongeye gutanga serivisi
- Amashyuza yari yaragiye kubera imitingito yagarutse
- Mu Rwanda hasigaye Abanyekongo babarirwa mu 1000 bahunze Nyiragongo
- Ikiyaga cya Kivu nticyahungabanyijwe n’iruka rya Nyiragongo
- Imiryango yasenyewe n’imitingito irasaba gufashwa kubona ahandi ho kuba
- Rubavu: Ubuyobozi burahamagarira abantu gusubukura ibikorwa byabo
- Rubavu: Amashyuza yaburiwe irengero kubera umutingito
- Impunzi z’Abanyekongo zikomeje gusubira iwabo
- Rubavu: Ibyangijwe n’imitingito byatangiye gusanwa
- Ubuyobozi burahumuriza abumvaga ko ikirere n’amazi bya Rubavu byagize ikibazo
- Kuruka kw’ibirunga n’imitingito bizagira uruhare mu gutandukanya Congo n’u Rwanda – Impuguke
- Rubavu: Inzu zisaga 1,500 zimaze kwangizwa n’imitingito
- Ibyuka bituruka muri Nyiragongo bigira ingaruka ku buzima - Impuguke
- Mu Kivu hagaragaye isambaza zapfuye nyuma y’umutingito
- Igihiriri cy’Abanyekongo bahungiye mu Rwanda
- Hari impungenge z’uko Nyiragongo yakongera kuruka
- Abatuye muri metero 200 uvuye ku murongo waciwe n’imitingito bafite inzu ziyashije bagomba kuhava - Minisitiri Kayisire
Ibitekerezo ( 5 )
Ohereza igitekerezo
|
|
Eee, ubwo giheruka kuruka nagiye i Goma Iki kirunga cyari cyahangije koko. Ibirunga biruka babyita Active volcanoes . Nubwoko bwibirunga biba bikiruka (active). Iyo bigiye kuruka ikirere giherereyemo kiratukura tukutuku kandi inyamaswa ziri hafi aho zibimenya nambere yo gutukura kwikirereImbeba, Inzoka, gusa abantu babimenya aruko ikirere gitukuye bagahunga. Ariko ubundi nge mbonamo uburangare niba bizwi ko ikirunga kiruka kuki abaturage badatura kure cyane yacyo noneho bakajya bakorera ibikorwa bitari Remezo nkubuhinzi nibindi. Ndi Perezida wa RDC nabimura, nkahita AMANEGEKA ubundi abaturage bameze nkintama nge sinahatura kandi mbizi ko kiruka nukwishyira mukaga. Ibi birunga byitwa active volcanoes kugirango biruke imbere munda yabyo bigiramo ibikoma byitwa lava biba byashyushye kuri dogere 500c. Iyo kirutse aho ibibikoma biguye birahangiza , iyo bimaze guhora aho byaguye byitwa magma. Iyo ari ahantu hahingwa harera cyane. Nihanyanyishije abaturanyi bacu RDC mwihangane ariko muzahimuke.
nukuri Urwanda rukomese rube Indashyikirwa pe, ubutabazi buba bukenewe kuko twese turabantu kd nabaturage tubigiremo uruhare rwose
Goma yaragowe koko? ubu turongeye dusubiye kuri 0
Nibihangane ibyo kubera imana bizarangira
Kuki mwandika ngo"Inkuru zikunzwe cyane"n’yaba ari izibabaje"?Mujye mwandika ngo"Inkuru zasomwe cyane"byaba ari yo byiza.