Bashyizwe mu maboko ya CICR kugira ngo bafashwe kugezwa i Kinshasa, icyo gikorwa kikaba cyarabereye ku kigo cya gisirikare cya Rugamabo ku wa Mbere tariki ya 2 Werurwe 2026 mu Ntara ya Kivu y’Amajyaruguru.

Nk’uko AFC/M23 ibivuga, iki gikorwa kigamije kugaragaza ubushake bwo kubahiriza amasezerano ajyanye no kubaka icyizere hagati y’impande zihanganye ndetse no gufasha kugabanya umwuka mubi uri hagati yazo, hakurikijwe amahame y’amategeko mpuzamahanga arengera abantu mu gihe cy’intambara.

Icyakora, iri huriro rivuga ko nubwo rikomeje gutera intambwe zifatika mu kugabanya amakimbirane, ubutegetsi bwa Kinshasa bukomeje gutsimbarara ku myitwarire y’ukutumvikana, dore ko bukomeje kwanga kurekura bamwe mu bayoboke ba AFC/M23 ndetse n’abandi bantu bafunzwe mu buryo butemewe n’amategeko, bafashwe bazira uko basa.

AFC/M23 kandi ishinja ubutegetsi bwa Kinshasa gukomeza kurenga ku masezerano yo guhagarika imirwano no gukomeza ibikorwa by’intambara rusange bibibasira, harimo no kwibasira abaturage b’abasivili n’imitungo yabo.

Iri huriro ryongeye kugaragariza abahuza n’abafatanyabikorwa bo mu gihugu n’abo ku rwego mpuzamahanga ko ubutegetsi bwa Kinshasa bukomeje kurenga ku masezerano yo guhagarika imirwano, ahubwo bukagaba ibitero hirya no hino birimo n’ibyibasira abasivile, ndetse n’abarwanyi b’uwo mutwe.

AFC/M23 ivuga ko amaraso y’Abanyekongo ameneka bigizwemo uruhare na Perezida Félix Tshisekedi atazirengagizwa cyangwa ngo yibagirane.

VIDEO - DR Congo AFC-M23 rebels begin implementing Doha Agreement with Kinshasa Government that requires exchange and release of prisoners. The rebels have handed over 5,000 FARDC troops to ICRC who were captured on war front. Government for its part hasn't released any of the… pic.twitter.com/XeTo4pW42L

— KT Press Rwanda (@ktpressrwanda) March 8, 2026