Mu Bubiligi batoye Nyampinga w’Afurika y’Uburasirazuba

3-09-2012 - 10:11' | Ibitekerezo ( 2 )

Umunyakenyakazi witwa Julia Njoronge niwe wegukanye ikamba rya nyampinga w’Afurika y’Uburasirazuba (Miss East Africa) mu marushanwa y’abakobwa baba mu gihugu cy’Ububiligi ariko bakomoka muri Afurika y’Uburasirazuba.

Ibisonga bye biomoka mu gihugu cya Tanzaniya undi muri Djibuti. Umunyarwandakazi witwa Isabelle Uwera wari witabiriye ayo marushanwa ntiyabashije kugira umwanya yegukana.

Julia Njoroge wabaye Miss East Africa mu Bubiligi.

Iryo rushanwa ryabaye tariki 01/09/2012 ryitabiriwe n’abakobwa bo muri Uganda, Burundi, Tanzaniya, u Rwanda, Kenya, Eritereya, Djibouti, Etiyopiya na Somaliya.
Iki gikorwa cyo gutora Nyampinga w’Afurika y’Uburasirazuba mu gihugu cy’Ububiligi cyateguwe n’ikompanyi y’Abanyarwanda yitwa Exotic Night.

Abagize Exotic Night ni Kitoko Abdou akaba n’umujyanama (manager) w’umuhanzikazi Knowless Butera, Ruba Denis na Dj Azam.

Ibi birori ni nabyo birori Knowless yagiye i Burayi kwitabira aho yaririmbye hamwe na Ray Blaze wo mugihugu cya Nigeria ndetse na Chameleone wo mu gihugu cya Uganda.

Knowless asusurutsa abaje mu birori.

Ubwo mu Bubiligi batoraga Miss East Africa, hano mu Rwanda hatorwaga Miss Rwanda 2012. Uyu mwanya wegukanwe na Kayibanda Umutesi Aurore, igisonga cye cya mbere kiba Uwamahoro Natacha, igisonga cya kabiri kiba Umurerwa Aline.

Hatowe kandi Nyampinga uhiga abandi mu guhanga udushya (Miss Innovative) wabaye Giraso Joe Christa, Nyampinga mu kwifotoza (Miss Photogenic) wabaye Karangwa Tega Fidelis naho Umutesi Mubera Liliane atorerwa kuba Nyampinga w’icyamamare (Miss Popularity).

Mu Rwanda Nyampinga yabaye Kayibanda Umutesi Aurore. Igisonga cya mbere ni Uwamahoro Natacha, igisonga cya kabiri ni Umurerwa Aline.

Kayibanda Umutesi Aurore watorewe kuba Nyampinga w’u Rwanda 2012 yanatorewe kandi kuba Nyampinga w’Umurage (Miss Heritage).

Marie Clemence CYIZA UWIMANIMPAYE

Ibitekerezo ( 2 )

congs to kayibanda

madou yanditse ku itariki ya: 3-09-2012 → Musubize

uwo mukobwa kuva cyera byaragaraga ko azaba nyampiga koko
kuko kuva mubwana bwe yarazwe numuco pe, ikindi avuka mu
muryago afite umuco ubwo rero muruva ko yarabikwiye, IMana
ikomeze kumurida, imujye imbere kandi azabe nuwisi yose.

fericitation Aurore

maman gretha yanditse ku itariki ya: 3-09-2012 → Musubize