KT TV
Uri mu kato kubera Covid-19 agiye kujya yishyura bimwe mu bimugendaho
Kimwe mu byemezo by’Inama y’Abaminisitiri yabaye ku wa Mbere tariki 18 Gicurasi 2020, ni uko abazajya bashyirwa mu kato kubera Covid-19 cyane cyane abazava hanze, bazajya biyishyurira aho bacumbikirwa mu gihe ibyo byari bisanzwe bikorwa na Leta.
- Dr. Daniel Ngamije Minisitiri w’Ubuzima
Ibyo ni ibyatangajwe na Minisitiri w’Ubuzima, Dr. Daniel Ngamije, ubwo yari mu kiganiro kuri Radio Rwanda kuri uyu wa 19 Gicurasi 2020, aho yasobanuraga bimwe mu byemezo byafashwe n’iyo Nama y’Abaminisitiri, cyane cyane ibijyanye no guhangana na Covid-19.
Minisitiri Ngamije yavuze ko Covid-19 ari indwara nk’izindi bityo ko abantu bagomba kugira uruhare mu bibatangwaho mu gihe bashyizwe mu kato.
Ati “Umunyarwanda amenyereye kugira uruhare muri serivisi agenerwa zo kwa muganaga. Iyi ni indwara kimwe n’izindi, igihe kirageze rero ngo ibintu bimwe na bimwe Leta yamukoreraga na we abigiremo uruhare, kuko mu ntangiriro abantu bacumbikirwaga, bakagabururwa, bakavurwa kugeza basuzumwe bagasanga uburwayi bwarabashizemo bagataha”.
Ati “Abo tureba cyane ni abari guturuka hanze kuko bahaguruka bazi ko bazahita bashyirwa mu kato, umuntu agomba rero no kumenya ko azagira uruhare mu bimutangwaho bityo akore urugendo abizi.
Kugeza ubu icyo atazishyura ni amafaranga y’umuganga n’abaforomo n’imiti, ariko amafunguro n’icumbi agomba kumenya ko agiye kujya abyishyura”.
Minisitiri Ngamije yavuze kandi ko hari ibyiciro bitandukanye by’aho abantu bazashyirwa mu kato bityo ngo ntihagire ugira impungenge.
Ati “Hazaba hari aho gushyira umuntu mu kato hatandukanye ku biciro bityo umwe wese azahitamo akurikije amikoro ye. Tugiye kuzabimenyekanisha ku buryo uzashaka gufata urugendo azaza azi neza uko bihagaze bityo akamenya icyo agomba kwitwaza nk’impamba”.
Uwo muyobozi yavuze kandi ko kuba ingamba zari zafashwe zo kwirinda icyorezo cya Covid-19 zigenda zoroshywa bitavuze ko cyarangiye, ahubwo ngo ni uko kugikurikirana bigenda neza kuko itsinda ry’abanduye rizwi ndetse ko n’abagenda bandura ahanini aho bandurira hazwi.
Abantu rero ngo bagomba gukomeza ingamba zo kwirinda zisanzweho, zirimo kwambara agapfukamunwa umuntu agiye mu bantu benshi, gukaraba intoki kenshi, kwirinda guhana ibiganza mu gusuhuzanya no gutanga amakuru mu gihe hari ugaragaweho ibimenyetso by’icyo cyorezo.
MENYA UMWANDITSI
Inkuru bijyanye
- Polisi yasobanuye impamvu yahagaritse igitaramo cya Tuff Gang
- #COVID19: Batandatu bakize, haboneka batatu bashya barwaye
- Leta ntizahemba abarimu bo mu mashuri yigenga nk’uko bamwe babyifuzaga
- Brussels Airlines igiye gusubukura ingendo harimo n’iziza mu Rwanda
- OMS yahagaritse igeragezwa rya ‘hydroxychloroquine’ nk’umuti wa Covid-19
- Club Licensing yahaye amahirwe Amagaju, Interforce na Alpha yo gukina 1/4
- #COVID19: Abarwayi 9 babonetse mu bipimo 892
- USA: Imbeba na zo zagezweho n’ingaruka za COVID-19
- Igitaramo cya Tuff Gang cyongeye gusubikwa
- Mu gihe cya #GumaMuRugo impanuka zo mu muhanda zaragabanutse - Polisi
- Minisitiri Shyaka yasobanuye impamvu gusezerana mu nsengero bitemewe
- Hari abasaba ko hakorwa udupfukamunwa tubonerana
- Mu Rwanda abakira #COVID19 bakomeje kwiyongera: Uyu munsi abantu 10 bakize
- Kigali: Abantu 20 bafatiwe muri Hotel barenze ku mabwiriza yo kwirinda #COVID19
- Kaminuza zigenga zirasaba Leta kuzikuriraho imisoro muri ibi bihe zifunze
- Isengesho no kwizihiza umunsi mukuru wa Eidil Fitri byakozwe mu buryo budasanzwe
- Facebook nzayigira ikigo cyunguka cyane abakozi bacyo batavuye mu rugo - Mark Zuckerberg
- Abagendana udupfukamunwa mu mifuka n’amasakoshi ntibatwambare ni abanyamakosa - Guverineri Gatabazi
- "Nkumbuye agacupa ko mu kabari,...nkumbuye gutaramira i Musanze, nkumbuye ingendo", abatuganirije
- Eid Mubarak: Igisibo cya Ramadhan gisigiye iki aba Islam (Video)
Ibitekerezo
Ohereza igitekerezo
|
|
