Mu Rwanda abantu 18 bamaze gukira #COVID19

Minisiteri y’Ubuzima (MINISANTE) iratangaza ko kuri uyu wa gatandatu tariki 11 Mata 2020 abandi bantu 11 bakize COVID-19 basezererwa, bakaza kuba biyongereye ku bandi barindwi basezerewe mu minsi ishize, bose hamwe bakaba 18.

Minisitiri w’Ubuzima, Dr Ngamije Daniel, abivugiye mu kiganiro kuri Televiziyo Rwanda. Ni ikiganiro cyagarutse ku ishusho rusange y’uko icyo cyorezo gihagaze, n’uburyo ingamba zafashwe zo kugikumira zirimo gushyirwa mu bikorwa.

Minisiteri y’Ubuzima ivuga ko iba isigaranye abantu 100 barimo kuvurwa Coronavirus kandi ko nta barembye barimo.

Iyo Minisiteri ivuga ko abamaze gusuzumwa barenga gato ibihumbi umunani, gusa hakaba abasuzumwe inshuro zirenze imwe, bituma ibipimo byose bimaze gufatwa birenga ibihumbi cumi na kimwe.

Minisiteri y’Ubuzima ishishikariza abantu kubahiriza ingamba zafashwe zirimo kuguma mu ngo, abiyumvaho ibimenyetso bya Coronavirus na bo bagatanga amakuru hakiri kare kugira ngo basuzumwe.

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka