Muri ayo mashusho hagaragaramo imbangukiragutabara (Ambulance) n’abantu bambaye imyenda y’ubururu imeze nk’amakanzu, hakumvikanamo ijwi ry’umuntu uvuga ko iyo mbangukiragutabara itwaye abo mu rugo bose, ndetse ko muri ako gace hari abarwayi benshi ba Coronavirus.
Umuyobozi w’ ishami ry’itangazamakuru mu Kigo cy’Igihugu gishinzwe Ubuzima (RBC), Julien Mahoro Niyingabira, yabwiye Kigali Today ko nta gikuba cyacitse, ndetse ko ibivugwa muri ayo mashusho atari byo.
Yahereye ku myenda y’ubururu abo bantu bari bambaye, asobanura ko ari imyenda yambarwa n’abaganga mu rwego rwo kwirinda mu gihe bagiye gufasha umurwayi wa COVID-19 cyangwa undi wese uyikekwaho.
Ati “Kuba abaturage babigizeho impungenge birumvikana, icyakora bakwiye gusobanukirwa ko uyikekwaho bitaba bivuze ko yamaze kwemezwa ko arwaye.”
Julien Mahoro Niyingabira avuga ko umuntu uyikekwaho ajyanwa ahabugenewe agafatwa ibizamini, hakemezwa niba arwaye cyangwa atarwaye.
Ati “Rero niba abaturage babonye ambulance ije gutwara umuntu, ntabwo bisobanuye ngo ubwo COVID-19 irahari, yahageze yahuzuye hose, ahubwo iyo modoka iba ije gutwara abagaragaje ibimenyetso cyangwa abakekwa, bagafatwa ibizamini, hakemezwa niba barwaye cyangwa batarwaye.”
Uyu mukozi muri RBC avuga ko kuba abaturage babona imbangukiragutabara aho batuye bidakwiye guca igikuba ngo bumve ko ishyano ryaguye, kuko ibyo ari ibisanzwe bikorwa.
Icyakora na none yibutsa abaturage ko badakwiye kwirara, ahubwo ko bakwiriye gukomeza gukurikiza inama n’amabwiriza inzego zibishinzwe zashyizeho mu rwego rwo kwirinda kwandura COVID-19.
Yaboneyeho gukangurira abantu kuguma mu ngo, birinda kwegerana, kandi bakaraba intoki kugira ngo bagire uruhare mu gutuma iki cyorezo gicika vuba.
Inkuru zijyanye na: Coronavirus
- Perezida Museveni wa Uganda bamusanzemo COVID-19
- Bangladesh: Habonetse abantu 68 banduye COVID-19 mu masaha 24
- #COVID19: Abantu 32 banduye mu cyumweru babonetse mu bipimo 11,440
- #COVID19: Abantu 27 banduye mu cyumweru babonetse mu bipimo 9,528
- #COVID19: Abantu 28 banduye mu cyumweru babonetse mu bipimo 9,555
- #COVID19: Abantu 23 banduye mu cyumweru babonetse mu bipimo 8,951
- #COVID19: Abantu babiri banduye babonetse mu bipimo 1,212
- #COVID19: Nta muntu wanduye mushya mu bipimo 1,215
- #COVID19: Umuntu umwe wanduye yabonetse mu bipimo 1,290
- #COVID19: Umuntu umwe wanduye yabonetse mu bipimo 1,131
- #COVID19: Abantu babiri banduye babonetse mu bipimo 1,224
- #COVID19: Abantu batanu banduye babonetse mu bipimo 1,515
- #COVID19: Abantu 6 banduye babonetse mu bipimo 974
- #COVID19: Umuntu umwe wanduye yabonetse mu bipimo 1,828
- #COVID19: Abanduye batatu babonetse mu bipimo 2,071
- #COVID19: Umuntu umwe wanduye yabonetse mu bipimo 1,500
- #COVID19: Abantu babiri banduye babonetse mu bipimo 1,467
- #COVID19: Umuntu umwe wanduye yabonetse mu bipimo 1,207
- #COVID19: Nta muntu wanduye mushya mu bipimo 1,328
- #COVID19: Umuntu umwe yitabye Imana, abanduye ni 2,195
Ibitekerezo ( 1 )
Ohereza igitekerezo
|
#COVID-19
CYANE CYANE TWIRINDE UMUCO WO GUHURURA