Ubwo buvuzi buzakorerwa ku bigo bya Bushenge, Kibogora na Karengera mu karere ka Nyamasheke. Mu karere ka Rusizi bukazakorerwa Gihundwe, Nkanka na Mibirizi.

Abayarwnada ntibibohoje ku miyoborere mibi gusa ahubwo bagomba no kwibohora ku mibereho no gukira indwara zibagora; nk’uko bitangazwa n’ubuyobozi bw’ingabo z’ u Rwanda.

Ingabo z’u Rwanda zizereka abaturage ko ingabo zitabereyeho kurinda ubusugire bw’igihugu gusa ahubwo zifite n’inshingano zo guharanira imibereho myiza y’abaturage no kurwanya indwara zibabangamira mu mibereho myiza n’iterambere ryabo rya buri munsi.

Biteganyijwe ko abarwayi bagera ku bihumbi 80 bo mu turere twa Nyamasheke na Rusizi bazafashwa n’ubuvuzi bwa gisirikare buzakorwa n’inzobere zigera ku 180 mu ndwara zitandukanye.

Abaturage bo mu turere twa Nyamasheke na Rusizi birabagora kubona inzobere z’abaganga kuko bibasaba kuza Kigali kandi ingendo zirabagora.

Icyumweru cyo kwibohoza kigiye gutangizwa n’ingabo z’u Rwanda kizatangizwa taliki 25/06/2012 ku bitaro bya Gihundwe.

Sylidio Sebuharara