Kuri uyu wa Gatatu tariki 09/05/2012, nibwo abayobozi ba farumasi z’uturere 30 tugize u Rwanda bashyikirijwe izo modoka, zifite ububiko bwabugenewe ku gipimo cy’ubushyuhe kiri hagati ya 20-25 degree Celcius.

Mu muhango wo kubashyikiriza izo modoka, Minisitiri w’Ubuzima, Dr. Agnes Binagwaho, yabasabye kuzazifata neza no kuzikoresha mu guha serivisi nziza abaturage. Yagize ati “Muzazikoreshe nk’izanyu ku buryo mu myaka 10 zizaba zigikora (…) kandi mureke tuzikoreshe uko dushoboye kose mu gufasha abaturage bacu”.

Izo modoka zizagabanya akazi n’igihe byasabaga kugira ngo imiti igere ku bo yagenewe; nk’uko Minisitiri yakomeje avuga. Yavuze ko guhera ubu farumasi z’uturere ari zo zizajya ziza kwifatira iyo miti ku Kigo cy’Igihugu gishinzwe gutanga imiti (RBC), nazo zikayitanga ku baturage.

Imodoka zatanzwe zifite ububiko bwabugenewe buri ku gipimo cy’ubushyuhe kiri hagati ya 20-25 degree Celcius.

Imodoka zatanzwe zatwaye akayabo ka miliyoni zigeranga 658 z’amafaranga y’u Rwanda zizasha abaturarwanda bagera kuri 85% bakoresha ubwisungane mu buvuzi kubona imiti mu buryo buboroheye. Izo modoka zizafasha ibigo by’ubuzima bigera kuri 432 bibarizwa mu Rwanda.

Iki gikorwa kije gikurikira icyabaye umwaka ushize aho Minisiteri y’Ubuzima yatanze amamoto 237 ku bigo nderabuzima byo mu gihugu. Itangwa ry’ibyo bikoresho kandi riri muri gahunda yo kugabanya ibibazo byo kugera ku miti ku babana n’ubwandu bwa SIDA.

Emmanuel N. Hitimana