Abajyanama b’ubuzima bahawe moto zizabafasha mu kazi kabo

Minisiteri y’Ubuzima yatanze moto 237 ku bigo nderabuzima, ibitaro byo mu turere twose tw’igihugu n’ibigo bitanu bitegamiye kuri Leta bikorana nayo, mu rwego rwo gufasha abakangurambaga b’ubuzima gukurikarana gahunda zijyanye no kuzamura ireme ry’ubuzima mu Rwanda.

Abashyikirijwe moto basabwe kuzikoresha neza mu kazi baziherewe, nk’uko umuyobozi w’agateganyo w’ikigo cy’Igihugu cyita ku buzima (RBC), Dr. Pierre Claver Kayumba yabitangaje mu gikorwa cyo gutanga izi moto cyabaye kuri uyu wa kabiri tariki 21/02/2012.

Yagize: “Inyungu Minisiteri ifite ni uko mukora akazi kayo neza; turabasaba kuzazifata nk’indi mitungo ya Leta.”

Uhagarariye ibikorwa by’ubuzima mu karere ka Gakenke, Mathieu Niyonkuru, yijeje ko izo moto zizakoreshwa neza mu kazi, ndetse zikanabafasha kuzuza inshingano zabo.

Yagize ati “Ikizababwira ko moto twazikoresheje icyo mwaziduhereye ni uko muzabona ko ibipimo byo kuboneza urubyaro, ikingira ku bana, gukurikirana abajyanama b’ubuzima n’ibindi bikorwa bijyanye n’ubuzima byazamutse”.

Minisitrei y’ubuzima itangaza ko n’ubwo nta gahanda bafite yo gukurikirana uburyo izo moto zizakoreshwa, hari gahunda yo guhugura abakangurambaga b’ubuzima ku ikoreshwa rikwiye ry’izo moto.

Moto nk’izo zaherukwaga gutangwa mu mwaka wa 2006 ariko kuko hari izari zarashaje hari abongeye guhabwa izindi mu gihe kuva icyo gihe hari abari batarazibona.

Emmanuel N. Hitimana

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka