Abo barwayi 24 babonetse mu bipimo 3,694 byafashwe kuri uyu wa kabiri, abamaze kuboneka mu Rwanda banduye icyo cyorezo bose hamwe baba 1,025.

Minisiteri y’Ubuzima iravuga ko abo barwayi bashya 24 barimo abagaragaye i Rusizi (13), i Kigali (7), Ngoma (2), Nyagatare (1) na Rutsiro (1).

Abarwayi bane mu bari barwaye bakize, abamaze gukira bose hamwe baba 447, naho abakirwaye ni 576.

Abamaze kwicwa n’icyo cyorezo mu Rwanda ni babiri.

Minisiteri y’Ubuzima isaba abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.