Umuntu wa munani yishwe na COVID-19 mu Rwanda

Umugabo w’imyaka 37 y’amavuko abaye umuntu wa munani wishwe n’icyorezo cya COVID-19 mu Rwanda, nk’uko Minisiteri y’Ubuzima yabitangaje ku mugoroba wo kuri uyu wa Gatatu tariki 12 Kanama 2020.

Minisiteri y’Ubuzima yanditse ubutumwa kuri Twitter yihanganisha umuryango w’uwo mugabo witabye Imana ari i Kigali.

Iyi Minisiteri kandi yatangaje ko kuri uyu wa Gatatu abantu 46 bakize, mu gihe habonetse abarwayi bashya 18.

Abo barwayi bashya barimo 15 babonetse i Kigali bakaba ngo barahuye n’abanduye ndetse n’abapimwe mu bibasiwe kurusha abandi.

Mu Karere ka Ngoma habonetse babiri, naho i Rubavu haboneka umwe.

Muri rusange kugeza kuri uyu wa Gatatu abamaze gukira bose hamwe ni 1,524 naho abakivurwa ni 657.

Ku Cyumweru tariki 09 Kanama 2020 umuntu wa karindwi nibwo yishwe na COVID-19 mu Rwanda, uwo akaba ari umubyeyi w’imyaka 77 wo mu Mujyi wa Kigali.

Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.

Shakisha izindi nkuru
kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka