Umuntu wa 7 yishwe na COVID-19 mu Rwanda, 46 bakize

Minisiteri y’Ubuzima yatangaje ko kuri iki Cyumweru tariki 09 Kanama 2020, umuntu wa karindwi yishwe na Coronavirus mu Rwanda. Uwo ni umubyeyi w’imyaka 77 wo mu Mujyi wa Kigali.

Minisiteri y’Ubuzima kandi yatangaje ko kuri iki Cyumweru tariki 09 Kanama 2020, mu Rwanda habonetse abarwayi bashya batandatu banduye COVID-19, naho abandi 46 bari barwaye bakaba bakize.

Abo barwayi batandatu babonetse mu bipimo 5,175, abamaze kuboneka mu Rwanda banduye icyo cyorezo bose hamwe baba 2,140.

Minisiteri y’Ubuzima yasobanuye ko abo barwayi bashya batandatu barimo batanu babonetse muri Kigali (abahuye n’abanduye) n’undi umwe wabonetse muri Rusizi.

Muri rusange kugeza kuri iki Cyumweru abamaze gukira bose hamwe ni 1,346 naho abakivurwa ni 787.

Minisiteri y’Ubuzima yihanganishije umuryango w’umubyeyi w’imyaka 77 witabye Imana i Kigali.

Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.

Shakisha izindi nkuru
kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka