Umuntu wa 6 yishwe na COVID-19 mu Rwanda

Minisiteriy’Ubuzima yatangaje ko kuri uyu wa Gatandatu tariki 8 Kanama 2020, umuntu wa gatandatu yishwe na Coronavirus mu Rwanda. Uwo ni umugabo w’imyaka 51 wo mu Mujyi wa Kigali.

Minisiteri y’Ubuzima kandi yatangaje ko kuri uyu wa Gatandatu tariki 08 Kanama 2020, mu Rwanda habonetse abarwayi bashya batandatu banduye COVID-19, naho abandi batatu bari barwaye bakaba bakize.

Abo barwayi batandatu babonetse mu bipimo 4,452, abamaze kuboneka mu Rwanda banduye icyo cyorezo bose hamwe baba 2,134.

Minisiteri y’Ubuzima yasobanuye ko abo barwayi bashya batandatu bose babonetse mu Mujyi wa Kigali (bahuye n’abanduye).

Muri rusange kugeza kuri uyu wa Gatandatu abamaze gukira bose hamwe ni 1,300 naho abakivurwa ni 828.

Minisiteri y’Ubuzima yihanganishije umuryango w’umugabo w’imyaka 51 witabye Imana i Kigali.

Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.

Shakisha izindi nkuru
kigalitoday android app mobile

Ibitekerezo   ( 1 )

Birababaje iyi ndwara koko urifuza iki? Gusa nyine ntakundi dukaze ingamba. Njyewe nahisemo gupfuka isura yose. Imana idutabare.

BiramahireThierry yanditse ku itariki ya: 8-08-2020  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka