Umugabo w’imyaka 31 abaye umuntu wa 18 wishwe na COVID-19 mu Rwanda

Minisiteri y’Ubuzima iratangaza ko kuri uyu wa Kane tariki 03 Nzeri 2020, mu Rwanda habonetse abantu 37 banduye icyorezo cya COVID-19, mu gihe abandi 92 bakize.

Abo barwayi bashya 37 barimo abantu 23 babonetse muri Kigali (abahuye n’abanduye mu masoko ya Kigali) , 4 babonetse i Rusizi, 3 babonetse muri Gisagara, 2 babonetse muri Gakenke, mu turere twa Nyabihu, Kamonyi, Nyanza, Musanze na Rubavu habonetse umuntu umwe muri buri Karere.

Muri rusange kugeza kuri uyu wa Kane, abamaze kwandura icyo cyorezo mu Rwanda ni 4,255 muri bo abamaze gukira ni 2,163 naho abakivurwa ni 2,074.

Abamaze kwicwa n’icyo cyorezo bose hamwe mu Rwanda babaye cumi n’umunani (18) nyuma y’uko hiyongereyeho umugabo w’imyaka 31 witabye Imana i Kigali.

Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19

Shakisha izindi nkuru
kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka