Sobanukirwa itandukaniro hagati ya Coronavirus na COVID-19

Muri iki gihe isi yugarijwe n’icyorezo cya COVID-19, hari abadasobanukirwa neza itandukaniro rya COVID-19 na Coronavirus, aho bamwe bitiranya ayo magambo yombi mu nyandiko no mu mvugo.

Dr. Muhire Philbert, Umuyobozi w
Dr. Muhire Philbert, Umuyobozi w’Ibitaro bya Ruhengeri

Mu gufasha abaturage kumenya neza ibisobanuro by’ayo magambo abiri, Kigali Today yegereye impuguke mu by’ubuvuzi, Dr. Muhire Philbert, Umuyobozi w’Ibitaro bya Ruhengeri, aho na we yemeza ko akunze kumva abantu bitiranya ayo magambo abiri ndetse barimo n’abize amashuri menshi.

Dr. Muhire yavuze ko Coronavirus ari yo itera COVID-19, ngo indwara ni COVID-19, mu gihe Coronavirus ari yo nyirabayazana w’iyo ndwara.

Yagize ati “Abenshi barabyitiranya, ukumva umuntu kuri radio aravuze ngo icyorezo cya Coronavirus aho kuvuga wenda ati cya cyorezo giterwa na Coronavirus”.

Arongera ati “Coronavirus nyine ni yo itera COVID-19, nko mu magambo yoroshye, muzi ko udukoko dutera malaria batwita Plasmodium. Plasmodium twayigereranya na Coronavirus, ariko malaria ubwayo wayigereranya na COVID-19.

Abantu bakunze kubyitiranya, Coronavirus bakayita icyorezo cyangwa indwara kandi si byo. COVID-19 ni yo ndwara cyangwa icyorezo. Coronavirus rero nta muti igira nyine, nta rukingo ruraboneka rwo kuyikingira”.

Dr. Muhire arasaba abaturage gukomeza kubahiriza amabwiriza ya Minisiteri y’Ubuzima, birinda kwegerana no guhurira ahantu ari benshi, kandi bakaraba intoki kenshi gashoboka, mu rwego rwo kurwanya ikwirakwizwa ry’iyo virus.

kigalitoday android app mobile

Ibitekerezo   ( 6 )

real meaning in full, COVID-19 Bivuze Corona Virus Disease 2019 kuko nibwo yatangiye niryo zina yayo. corona virus ntabwo baba bonyeyeho Disease naho ubundi nikimwe

Mugabe yanditse ku itariki ya: 4-05-2020  →  Musubize

Nibyo kuvuga ko ayo magambo atandukanye ni ukujijisha abadasobanukiwe. Igisobanuro cyayo ni kimwe
Coronavirus = Coronavirus Disease 2019 = COVID-19). Ni uko gusa COVID-19 ari inyandiko mpine yayo ya gihanga (Scientifique).

Co= Corona
Vi= Virus
D =Disease = Icyorezo

Ngibyo nguko cyakora njye simbarizwa muri ubwo bumenyi mbaye mbiseguyeho da!

Bwenge Silas yanditse ku itariki ya: 4-05-2020  →  Musubize

Turasobanukiwe,indwara ariyo covid -19 iravurwa kandi agakoko ariko corona virus ntarukingo ntanumuti wako wariwaboneka niyo mpamvu tugomba gukomeza kwirinda dukurikiza amabwiriza yose asabwa gukurikizwa.

Mirindi John yanditse ku itariki ya: 3-05-2020  →  Musubize

Turasobanukiwe,indwara ariyo covid -19 iravurwa kandi agakoko ariko corona virus ntarukingo ntanumuti wako wariwaboneka niyo mpamvu tugomba gukomeza kwirinda dukurikiza amabwiriza yose asabwa gukurikizwa.

Mirindi John yanditse ku itariki ya: 3-05-2020  →  Musubize

Urakoze kutwereka indandukaniro nihuriro riri hagati ya COVID 19 na coronavirus (coronavirus ni virus itera covid 19)

Emmanuel Ntawuziryayo yanditse ku itariki ya: 3-05-2020  →  Musubize

Urakoze Nshuti nanjye byajyaga bincanga.

Francis yanditse ku itariki ya: 3-05-2020  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka