RD Congo: Hongeye kwaduka icyorezo cya Ebola

Minisitiri w’Ubuzima muri Repubulika Iharanira Demokarasi ya Congo, Eteni Longondo, yatangaje ko mu Majyaruguru y’Uburengerazuba bw’iki gihugu hongeye kwaduka icyorezo cya Ebola.

Icyorezo cya Ebola cyadutse muri Repubulika Iharanira Demokarasi ya Congo ku nshuro ya 11 (Ifoto: Caritas)
Icyorezo cya Ebola cyadutse muri Repubulika Iharanira Demokarasi ya Congo ku nshuro ya 11 (Ifoto: Caritas)

Ibi Minisitiri Longondo yabitangarije mu kiganiro yagiranye n’abanyamakuru, yongeraho ko Ebola yamaze guhitana abantu 4, bo mu gace kitwa Mbandaka gaherereye mu Majyaruguru y’umurwa mukuru Kinshasa, mu Ntara ya Equateur.

Iyi Ntara yari yashegeshwe n’icyorezo cya Ebola giheruka kwaduka kuva muri Gicurasi kugera muri Kanama 2018, ubwo abanduye bose hamwe bari 54, muri bo 33 ikaba yarabahitanye.
Kuba bari basanzwe bazi Ebola, byatumye bamenya uko bitwara mu rugamba rwo kuyirwanya.

Ni ku nshuro ya 11 Ebola igaragaye muri Congo Kinshasa kuva yakwaduka bwa mbere mu mwaka wa 1976.

Repubulika Iharanira Demokarasi ya Congo kandi yugarijwe n’icyorezo gihangayikishije isi yose cya Covid-19, aho abamaze kucyandura ari 3.195, abamaze guhitanwa na cyo bakaba ari 72, nk’uko bigaragazwa n’imibare mishya yatangajwe kuri uyu wa mbere tariki 01 Kamena 2020.

kigalitoday android app mobile

Ibitekerezo   ( 1 )

Congo ikomeze kwihanganira ebola igaruts mu gihugu cyabo

Nyisenge jean De Dieu yanditse ku itariki ya: 1-06-2020  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka