Minisiteri y’Ubuzima yatangaje ko uwo muntu ari Umunyarwandakazi w’imyaka 41 y’amavuko witabye Imana ari i Kigali.

Kuri uyu wa Gatanu kandi, mu Rwanda abantu 13 bakize COVID-19, haboneka abarwayi bashya 5.

Abo barwayi batanu bashya babonetse mu bipimo 963 bakaba barimo batatu babonetse mu Mujyi wa Kigali, umwe aboneka i Rubavu, undi umwe aboneka i Musanze.

Kugeza kuri uyu wa Gatanu mu Rwanda abamaze kwandura icyo cyorezo ni 4,890 muri bo abamaze gukira ni 3,555 naho abakivurwa ni 1,305.

Hari hashize iminsi mu Rwanda nta bumvikana bishwe na COVID-19, dore ko ku wa Gatanu tariki 25 Nzeri 2020 aribwo abantu babiri mu Rwanda baherukaga kwicwa na COVID-19 buzuza umubare w’abantu 29.

Abo babiri bishwe na COVID-19 ni Abanyarwanda umwe w’imyaka 46 n’undi w’imyaka 44 y’amavuko bitabye Imana bari i Kigali.

Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.