Mu Rwanda habonetse abandi bantu 47 banduye COVID-19

Minisiteri y’Ubuzima yatangaje ko kuri uyu wa Kabiri tariki 28 Nyakanga 2020, mu Rwanda habonetse abarwayi bashya 47 banduye COVID-19.

Abo barwayi 47 babonetse mu bipimo 3,521, abamaze kuboneka mu Rwanda banduye icyo cyorezo bose hamwe baba 1,926.

Minisiteri y’Ubuzima yasobanuye ko abo barwayi bashya 47 barimo 36 babonetse muri Kigali (bapimwe mu midugudu iri mu kato & abahuye n’abanduye), batanu muri Rusizi, bane muri Nyamasheke, na babiri muri Rulindo.

Abantu 30 mu bari barwaye bakize kuri uyu wa Kabiri, naho abamaze gukira bose hamwe baba 1,005, mu gihe abakirwaye ari 916.

Abamaze kwicwa n’icyo cyorezo mu Rwanda ni batanu.

Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka