Mu Rwanda COVID-19 yishe abantu bane, haboneka abarwayi bashya 107

Minisiteri y’Ubuzima (MINISANTE) yatangaje ko ku wa Gatandatu tariki 02 Mutarama 2021, mu Rwanda abandi bantu bane bitabye Imana bishwe na COVID-19.

Abishwe na COVID-19 ku wa Gatandatu ni abagabo bane, babiri b’imyaka 78 na 42 bitabye Imana bari i Kigali, umugabo w’imyaka 73 i Gicumbi n’umwe w’imyaka 55 i Kirehe.

Abo bantu bane bahise buzuza umubare w’abantu 98 bamaze kwicwa n’iki cyorezo kuva cyagera mu Rwanda muri Werurwe 2020.

Minisiteri y’Ubuzima kandi yatangaje ko ku wa Gatandatu mu Rwanda habonetse abantu 107 bashya banduye COVID-19, naho abandi 87 mu bari barwaye bakize.

Abo barwayi bashya 107 babonetse mu bipimo 2,345 bakaba barimo ababonetse i Kigali: 85, Gicumbi: 14, Huye: 3, Rubavu: 2, Ruhango: 1, Nyanza: 1, Kirehe 1.

Kugeza ku wa Gatandatu, mu Rwanda abari bamaze kwandura icyo cyorezo ni 8,567 muri bo abamaze gukira ni 6,685 naho abakivurwa ni 1784.

Shakisha izindi nkuru
kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka