Abishwe na COVID-19 ku wa Gatatu ni umugore w’imyaka 42 n’umugabo w’imyaka 55 i Kigali.

Abo bantu babiri bahise buzuza umubare w’abantu 112 bamaze kwicwa n’iki cyorezo kuva cyagera mu Rwanda muri Werurwe 2020.

Minisiteri y’Ubuzima kandi yatangaje ko ku wa Gatatu mu Rwanda habonetse abantu bashya 103 banduye COVID-19, naho abandi 62 mu bari barwaye bakize.

Abo barwayi bashya 103 babonetse mu bipimo 4,829 bakaba barimo ababonetse i Kigali: 82, Rubavu: 6, Musanze: 3, Huye: 3, Muhanga: 2, Nyanza: 2, Ruhango: 1, Rusizi: 1, Burera: 1, Kayonza: 1, Nyagatare: 1.

Kugeza ku wa Gatatu, mu Rwanda abari bamaze kwandura icyo cyorezo ni 9,058 muri bo abamaze gukira ni 6,940 naho abakivurwa ni 2006.

MENYA UMWANDITSI

KT Editorial

Abanyamakuru ba Kigali Today

@ kigalitoday

Reba inkuru zose nanditse ( 2941 )