Mu Rwanda abantu 9 bishwe na COVID-19, habonetse abanduye bashya 310

Minisiteri y’Ubuzima (MINISANTE) yatangaje ko ku wa Kane tariki 21 Mutarama 2021, mu Rwanda abantu icyenda bitabye Imana bishwe na COVID-19.

Abishwe na COVID-19 ku wa Kane ni abagore bane b’imyaka 80 i Karongi, 61, 43 na 32 i Kigali n’abagabo batanu b’imyaka 86 i Huye, 75, 73, 72 i Kigali n’umugabo w’imyaka 58 i Rubavu.

Bahise buzuza umubare w’abantu 162 bamaze kwicwa n’iki cyorezo kuva cyagera mu Rwanda muri Werurwe 2020.

Minisiteri y’Ubuzima kandi yatangaje ko ku wa Kane mu Rwanda habonetse abantu bashya 310 banduye COVID-19, naho 161 mu bari barwaye bakize.

Abo barwayi bashya 310 babonetse mu bipimo 4,359 barimo ababonetse i Kigali:85, Gatsibo: 57, Ngoma: 41, Gicumbi: 27, Huye: 18, Rulindo: 11, Karongi: 11, Musanze: 10, Nyagatare: 9, Gisagara: 7, Nyanza: 6, Kirehe: 6. Burera: 5, Rubavu : 5, Muhanga: 3, Rusizi: 2, Kamonyi: 2, Nyamagabe: 2, Ruhango: 2, Nyamasheke: 1.

Kugeza ku wa Kane, mu Rwanda abari bamaze kwandura icyo cyorezo ni 12,170 muri bo abamaze gukira ni 7,973 naho abakivurwa ni 4,035.

kigalitoday android app mobile

Ibitekerezo   ( 1 )

Kuki bapima nk’ umubyeyi yagaraza ibimenyetso bakamubwira gusubira murugo abariyo cg abasigayeyo ntibabangamirwa
N.B Ese nigute twamwirinda kandi agutuma burikintu ukakimuzanira ?

Hakiziman Alone yanditse ku itariki ya: 22-01-2021  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka