KT TV
Imibare y’abandura Covid-19 iragenda izamuka, abantu batangiye kudohoka - MINISANTE
Umunyamabanga wa Leta muri Minisiteri y’Ubuzima (MINISANTE), Lt Col Dr Tharcisse Mpunga, yatangaje ko n’ubwo icyorezo cya Covid-19 cyari cyaragabanutse cyane mu mezi nk’ane ashize, ubu ngo cyatangiye kwiyongera kubera kudohoka kw’abantu muri iyi minsi.
- Dr Tharcisse Mpunga, Umunyamabanga wa Leta muri MINISANTE
Dr Mpunga yatanze ikiganiro kuri RBA ku mugoroba wo ku wa Mbere agira ati "Muri uku kwezi kwa Gatandatu imibare iragenda izamuka, aho ubona abantu 20, 15, hari n’igihe twageze kuri 55 banduye Covid-19 ku munsi".
Ati "Urabona cyane cyane ko byiganje muri Kigali, bivuze ko abantu batangiye kuduhoka, kandi bishobora gutuma imibare ikomeza kuzamuka, ikazamuka mu gihe kibi kuko turimo kwakira abashyitsi benshi. Bisaba kubyitwararika kugira ngo tutagira ubwandu bwinshi, twandure, twanduze n’abatugana".
Umunyamabanga wa Leta muri MINISANTE avuga ko hari abantu batumvise neza ibijyanye no kutambara agapfukamunwa, kuko ngo n’ubwo atari itegeko, bivuze ko umuntu atakambara ahantu hafunganye.
Asaba Abaturarwanda kwirinda no kurinda abashyitsi kugira ngo batazasubira iwabo barwaye, nyamara ngo baraje ari bazima.
Dr Mpunga avuga ko hari ingamba zitandukanye zo kuzajya bapima uburwayi bwa Covid-19 ku mahoteli n’ahandi inama zizajya zibera, kugira ngo bakurikirane kandi bite kuri buri muntu uzaza muri iriya nama ya CHOGM.
Umunyamabanga wa Leta muri MINISANTE asaba Abaturarwanda gukomeza gahunda yo kwikingiza Covid-19, bafata inkingo zose kugera ku rushimangira.
Yongeraho ko hari abangavu n’ingimbi benshi (bafite imyaka 12-17) ngo batikingije, bakaba biganje mu turere twa Musanze, Rusizi, Kamonyi, Rubavu, Nyagatare na Ngoma.
Dr Mpunga avuga ko MINISANTE yashyizeho gahunda yo kugera hafi y’aho abo bana batuye, kugira ngo imenye impamvu batakingiwe hamwe no kubafasha gukingirwa.
Uwo muyobozi asaba ababyeyi kwitabira gufasha abana babo gukingirwa muri iki cyumweru, mu rwego rwo gukumira izamuka ry’imibare y’abandura Covid-19 ryatangiye kugaragara.
Inkuru zijyanye na: Coronavirus
- #COVID19: Abanduye 79 babonetse mu bipimo 3,064
- #COVID19: Abanduye 70 babonetse mu bipimo 3,706
- #COVID19: Abanduye 63 babonetse mu bipimo 3,840
- #COVID19: Abanduye 69 babonetse mu bipimo 4,730
- #COVID19: Umuntu umwe yitabye Imana, abanduye bashya ni 50
- #COVID19: Abantu 43 banduye babonetse mu bipimo 3,372
- #COVID19: Abantu 40 banduye babonetse mu bipimo 2,125
- #COVID19: Abantu 32 banduye babonetse mu bipimo 2,636
- #COVID19: Abantu 38 ni bo banduye ku wa Gatandatu
- #COVID19: Abantu 34 banduye babonetse mu bipimo 3,815
- #COVID19: Abanduye 30 babonetse mu bipimo 3,487
- #COVID19: Abantu 39 ni bo banduye ku wa Gatatu
- #COVID19: Abantu 38 banduye babonetse mu bipimo 5,047
- #COVID19: Abanduye 40 babonetse mu bipimo 3,158
- #COVID19: Abantu 37 banduye babonetse mu bipimo 5,778
- #COVID19: Abanduye 34 babonetse mu bipimo 6,541
- #COVID19: Abanduye 25 babonetse mu bipimo 4,375
- #COVID19: Abanduye 29 barimo 26 babonetse i Kigali
- #COVID19: Abanduye 30 babonetse mu bipimo 3,286
- #COVID19: Abanduye 38 barimo 30 babonetse i Kigali
Ibitekerezo ( 1 )
Ohereza igitekerezo
|
|
agapfukunwa kagombye kugumaho kugeza ubwo hataboneka umurwayi numve ibaze umwe urwaye muli KBC cyangwa RITCO KBS nizindi ama Coaster asigeye agenda atsindagiye birakwiye ko ahantu nkaho kaba itegeko munsengero no mumasoko