Ibihugu 10 ku isi ntibirageramo Coronavirus ariko ingaruka zayo zarahageze

Yanditswe na

Nadia Uwamariya

24-08-2020 - 17:39' | Ibitekerezo ( )

Palau, ikirwa kigoswe n’inyanja ya Pasifika y’ubururu butsitse, ni kimwe mu bihugu 10 ku isi bitaravugwamo uwanduye Covid-19, hakaba ari n’ahantu hagendwaga cyane na ba mukerarugendo.

Ibirwa 10 byo mu nyanja ya Pasifika ntibirageramo COVID-19 (Ifoto: BBC)

Kuva mu mpera z’ukwezi kwa gatatu iki kirwa cyafunze imipaka yacyo, ibi bikaba byarahungabanyije byinshi muri iki kirwa cya Palau, birimo igihombo cyagaragaye muri za hoteli na za resitora kubera ko nta muntu ubijyamo, amaduka yarafunzwe.

Iyi Hoteli Palau, niyo ya mbere yafunguwe muri iki gihugu mu mwaka wa 1982, kuri ubu ikaba irimo kwifashishwa mu kwakira abashyirwa mu kato hagamijwe kwirinda ikwirakwira rya Coronavirus.

Muri 2019, abakerarugendo bakubye inshuro eshatu abaturage b’iki gihugu , banganga na 90,000 basuye iki kirwa.

Naho muri 2017 imibare ya FMI yerekanye ko ubukerarugendo bwinjije 40% ku musaruro mbumbe w’iki gihugu.

Inkuru Kigali Today ikesha BBC iravuga ko ibindi bihugu biza ku rutonde rw’ahataboneka ubwandu bwa Covid-19 ari:

• Palau
• Micronesia
• Marshall Islands
• Nauru
• Kiribati
• Solomon Islands
• Tuvalu
• Samoa
• Vanuatu
• Tonga