#COVID19: Abarwayi bashya 884 babonetse mu bipimo 7,284

Minisiteri y’Ubuzima mu Rwanda yatangaje ko ku wa Gatanu tariki 02 Nyakanga 2021, mu Rwanda abantu 884 babasanzemo Covid-19, muri bo 179 bakaba babonetse i Kigali. Ntawakize, abantu batanu bitabye Imana, naho abarembye ni 43 nk’uko imibare yatangajwe ibigaragaza.

Abitabye Imana ni abagore batatu b’imyaka 76 (i Rubavu), 57 (i Kigali) na 31 (i Muhanga) n’abagabo babiri b’imyaka 73 (i Huye) na 49 (i Kigali), bakaba bahise buzuza umubare w’abantu 453 bamaze kwicwa n’iki cyorezo mu Rwanda.

Abarimo kuvurwa bose hamwe ni 13,073.

Abantu 251,350 bamaze guhabwa doze ya kabiri y’urukingo rwa COVID-19 (AstraZeneca) barimo 211 bayihawe ku wa Gatanu.

Inzego zishinzwe ubuzima zisaba Abaturarwanda baba abakingiwe n’abatarakingirwa gukomeza kwitwararika birinda kwandura cyangwa kwanduza abandi icyorezo cya COVID-19 gikomeje kugaragaza ubukana mu Rwanda n’ahandi ku isi.

kigalitoday android app mobile

Ibitekerezo   ( 1 )

KBC DUKOMEZE TWIRIND COVIDE 19 TWAMBARA AGAPFUKAMUNWA ,DUKARABA INTOKI, MAZI MEZANI SABUNE KUKO ICYOREZO KIRAKATAJE. NGABONZA ATHANASE FROM GAFUNZO CELL,KAYONZ DISTRICT,MURUNDI SECT.

NGABONZIZA ATHANASE, yanditse ku itariki ya: 3-07-2021  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka