Abishwe na COVID-19 ku wa Gatanu ni umugore w’imyaka 85 y’amavuko witabye Imana ari i Nyagatare n’umugabo w’imyaka 62 witabye Imana ari i Kigali.

Abo bantu bahise buzuza umubare w’abantu 115 bamaze kwicwa n’iki cyorezo kuva cyagera mu Rwanda muri Werurwe 2020.

Minisiteri y’Ubuzima kandi yatangaje ko ku wa Gatanu mu Rwanda habonetse abantu bashya 143 banduye COVID-19, mu bari barwaye ntawakize.

Abo barwayi bashya 143 babonetse mu bipimo 4,846 bakaba barimo ababonetse i Kigali: 101, Huye: 12, Rubavu: 7, Musanze: 7, Rusizi: 4, Kamonyi: 3, Kayonza: 3, Muhanga: 1, Rulindo: 1, Ruhango: 1, Nyanza: 1 Nyagatare: 1, Nyamasheke: 1.

Kugeza ku wa Gatanu, mu Rwanda abari bamaze kwandura icyo cyorezo ni 9,368 muri bo abamaze gukira ni 6,940 naho abakivurwa ni 2,313.

MENYA UMWANDITSI

KT Editorial

Abanyamakuru ba Kigali Today

@ kigalitoday

Reba inkuru zose nanditse ( 2734 )