Abo barwayi bashya barimo 9 babonetse i Kigali bakaba ngo barahuye n’abanduye, muri nyamasheke habonetse umwe n’i Rubavu haboneka umwe.

Muri rusange kugeza kuri uyu wa Kane abamaze gukira bose hamwe ni 1,558 naho abakivurwa ni 634.

Abamaze kwicwa n’icyo cyorezo mu Rwanda ni umunani.

Umugabo w’imyaka 37 y’amavuko yabaye umuntu wa munani wishwe n’icyorezo cya COVID-19 mu Rwanda, nk’uko Minisiteri y’Ubuzima yabitangaje ku mugoroba wo ku wa Gatatu tariki 12 Kanama 2020.

Minisiteri y’Ubuzima yanditse ubutumwa kuri Twitter yihanganisha umuryango w’uwo mugabo witabye Imana ari i Kigali.

Ku Cyumweru tariki 09 Kanama 2020 umuntu wa karindwi nibwo yishwe na COVID-19 mu Rwanda, uwo akaba ari umubyeyi w’imyaka 77 wo mu Mujyi wa Kigali.

Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.