COVID-19 yishe umugore w’imyaka 54 i Kigali

Minisiteri y’Ubuzima (MINISANTE) mu Rwanda, yihanganishije umuryango w’umugore w’imyaka 54 witabye Imana i Kigali azize Covid-19. Iyo Minisiteri yanatangaje ko ku wa Gatatu tariki 09 Kamena 2021, mu Rwanda abantu 64 bakize Covid-19. Abayanduye ni 114 bituma umubare w’abamaze kwandura bose hamwe uba abantu 27,548.

Abarembye kubera icyo cyorezo ni batandatu (6), na ho kugeza ubu abamaze kwitaba Imana mu Rwanda bazize Covid-19 ni 365.