#COVID-19: Mu Rwanda habonetse abarwayi bashya 45, ntawakize

Minisiteri y’Ubuzima yatangaje ko ku wa Gatatu tariki 28 mu Rwanda habonetse abantu 45 bashya banduye COVID-19, kuri uwo munsi mu bari barwaye ntawakize.

Abo barwayi bashya 45 babonetse mu bipimo 1,619 bakaba barimo 2 babonetse muri Kigali, umwe aboneka i Huye, abandi 40 babonetse i Kirehe (abapimwe mu nkambi y’impunzi), abandi babiri baboneka i Nyagatare.

Kugeza ku wa Gatatu, mu Rwanda abari bamaze kwandura icyo cyorezo ni 5,129 muri bo abamaze gukira ni 4,851 naho abakivurwa ni 243.

Abamaze kwicwa na COVID-19 mu Rwanda bose hamwe ni 35.

Umubyeyi w’imyaka 88 y’amavuko witabye Imana ku wa Kabiri tariki 27 Ukwakira 2020 ari i Kirehe yabaye umuntu wa 35 wishwe na Covid-19 mu Rwanda.

Shakisha izindi nkuru
kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka