#COVID-19: Mu Rwanda habonetse abanduye bashya 255, abapfuye ni babiri

Minisiteri y’Ubuzima (MINISANTE) yatangaje ko ku wa Gatanu tariki 29 Mutarama 2021, mu Rwanda abantu babiri bitabye Imana bishwe na COVID-19.

Abishwe na COVID-19 ku wa Gatanu ni umugore w’imyaka 85 n’umugabo w’imyaka 41 i Kigali.

Bahise buzuza umubare w’abantu 188 bamaze kwicwa n’iki cyorezo kuva cyagera mu Rwanda muri Werurwe 2020.

Minisiteri y’Ubuzima kandi yatangaje ko ku wa Gatanu mu Rwanda habonetse abantu bashya 255 banduye COVID-19, naho 285 mu bari barwaye bakize.

Abo banduye bashya 255 babonetse mu bipimo 6,087 barimo ababonetse i Kigali: 75, Nyamagabe: 25, Huye 22, Kayonza: 13, Kirehe: 13, Rusizi: 12, Nyanza: 12, Ngoma: 12, Ruhango: 10, Kamonyi: 8, Gakenke: 7, Muhanga: 6, Gatsibo: 5, Nyagatare: 5, Rwamagana: 4, Gisagara: 4, Nyaruguru: 4, Karongi: 4, Nyamasheke: 4, Rubavu: 3, Ngororero: 3, Rulindo: 2, Musanze: 2.

Kugeza ku wa Gatanu, mu Rwanda abari bamaze kwandura icyo cyorezo ni 14,784 muri bo abamaze gukira ni 9,519 naho abakivurwa ni 5,077.

Shakisha izindi nkuru
kigalitoday android app mobile

Ibitekerezo   ( 2 )

Turifuza ko habaho day off kuri buri munyarwanda hakabaho gahunda yo gupima covide mutugali hose tugize igihugu,
Tukamenya abarwaye nabatarwaye kugirango abarwaye batabizi badakomeza kwanduza abazima. tukikikangura igihugu cyose cyuzuye abarwayi ba covide. bitari ibyo: covide ntizashira murwanda. inzira yo kurandura covide niyo yonyine mu rwanda.

Sagamba juldas yanditse ku itariki ya: 30-01-2021  →  Musubize

Murakoze cyane kutugezaho amakuru!

Harerimana yanditse ku itariki ya: 30-01-2021  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka