#COVID-19: Habonetse abarwayi bashya 41, abakize ni 4

Minisiteri y’Ubuzima yatangaje ko kuri uyu wa Gatatu tariki 23 Nzeri 2020 mu Rwanda habonetse abantu 41 bashya banduye icyorezo cya COVID-19, mu gihe abandi 4 bakize.

Abo barwayi bashya 41 babonetse mu bipimo 2,273 bakaba barimo 12 babonetse muri Kigali (bapimwe mu bibasiwe kurusha abandi), i Nyagatare habonetse 26 aba bakaba ari abatwara amakamyo yambukiranya imipaka, abandi 3 baboneka muri Nyamagabe.

Kugeza kuri uyu wa Gatatu mu Rwanda abamaze kwandura icyo cyorezo ni 4,779 muri bo abamaze gukira ni 2,995 naho abakivurwa ni 1,757.

Abamaze kwicwa na COVID-19 mu Rwanda bose hamwe ni 27. Uwa 27 yishwe n’icyo cyorezo ku wa Mbere tariki 21 Nzeri 2020, akaba ari umugabo w’imyaka 58 y’amavuko witabye Imana ari i Kigali.

Ku wa Gatandatu tariki 19 Nzeri 2020, nibwo umuntu wa 26 yishwe na COVID-19 mu Rwanda. Uwo muntu wishwe na COVID-19 ni Umunyarwandakazi w’imyaka 26 witabye Imana ari i Kigali.

Ku munsi wari wabanje ku wa Gatanu, nabwo abandi bantu babiri barimo umwe w’imyaka 80 n’undi w’imyaka 29 y’amavuko bitabye Imana bari i Kigali bazize Covid-19.

Abo na bo bari baje bakurikiye undi mugabo w’imyaka 48 y’amavuko na we witabye Imana ari i Kigali ku wa Kane.

Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.

Shakisha izindi nkuru

Inkuru bijyanye na: Coronavirus

kigalitoday android app mobile

Ibitekerezo   ( 1 )

abagiye bakwirakwiza covid19 abaturage bagiye babatangaza ariko ku bw’inda mbi ya bamwe mu bayobozi b’ibanze bagiye babakingira ikibaba kuko iyo bungukaga babahagaho, si kera abaturage ba rubavu batunze agatoki umugore wo muri rubavu umurenge wa gisenyi, akagari ka mbugangari, umudugudu w’umutekano, wagiye yambutsa abantu mu nzira zitemewe (njiyapanya) abaturage bavuga ahubwo bagahigwa naba kiongozi, uwo mugore ugeze iwabo murugo hasigaye utwana duto abandi yarabambukanye, ntacyateraga ubwoba abaturage nkabacoracora yambutsaga bwacya bakagaruka ko ataribo bakwirakwije coronavirus mu baturage, none abonye agwije mukujijishya bamuha inama aciye mukato aratashye, bayobozi ba rubavu imana izababaza

FIFI yanditse ku itariki ya: 23-09-2020  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka