Abo barwayi bashya 10 babonetse mu bipimo 2,158 bakaba barimo 6 babonetse muri Kigali, i Nyamagabe habonetse 3 , i Nyagatare haboneka umwe.

Kugeza kuri uyu wa Kane mu Rwanda abamaze kwandura icyo cyorezo ni 4,789 muri bo abamaze gukira ni 3,050 naho abakivurwa ni 1,712.

Abamaze kwicwa na COVID-19 mu Rwanda bose hamwe ni 27. Uwa 27 yishwe n’icyo cyorezo ku wa Mbere tariki 21 Nzeri 2020, akaba ari umugabo w’imyaka 58 y’amavuko witabye Imana ari i Kigali.

Ku wa Gatandatu tariki 19 Nzeri 2020, nibwo umuntu wa 26 yishwe na COVID-19 mu Rwanda. Uwo muntu wishwe na COVID-19 ni Umunyarwandakazi w’imyaka 26 witabye Imana ari i Kigali.

Ku munsi wari wabanje ku wa Gatanu, nabwo abandi bantu babiri barimo umwe w’imyaka 80 n’undi w’imyaka 29 y’amavuko bitabye Imana bari i Kigali bazize Covid-19.

Abo na bo bari baje bakurikiye undi mugabo w’imyaka 48 y’amavuko na we witabye Imana ari i Kigali ku wa Kane.

Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.