#COVID-19: Abarwayi bashya 281 barimo 177 babonetse i Kigali

Minisiteri y’Ubuzima (MINISANTE) yatangaje ko ku wa Gatatu tariki 27 Mutarama 2021, mu Rwanda abantu babiri bitabye Imana bishwe na COVID-19.

Abishwe na COVID-19 ku wa Gatatu ni umugore wari i Kigali n’umugabo wari i Huye bombi b’imyaka 66 y’amavuko.

Bahise buzuza umubare w’abantu 183 bamaze kwicwa n’iki cyorezo kuva cyagera mu Rwanda muri Werurwe 2020.

Minisiteri y’Ubuzima kandi yatangaje ko ku wa Gatatu mu Rwanda habonetse abantu bashya 281 banduye COVID-19, naho 181 mu bari barwaye bakize.

Abo barwayi bashya 281 babonetse mu bipimo 4,156 barimo ababonetse i Kigali: 177, Kayonza: 15, Gicumbi: 12, Nyamagabe: 11, Huye: 10, Kirehe: 9, Nyanza: 8, Gatsibo: 7, Gakenke: 5, Musanze: 5, Ruhango: 4, Muhanga: 3, Nyagatare: 3, Kamonyi: 3, Rwamagana: 2, Karongi: 2, Rulindo: 2, Gisagara: 2, Ngoma: 1.

Kugeza ku wa Gatatu, mu Rwanda abari bamaze kwandura icyo cyorezo ni 14,166 muri bo abamaze gukira ni 9,042 naho abakivurwa ni 4,941.

Shakisha izindi nkuru
kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka