#COVID-19: Abarwayi bashya 12 barimo 9 babonetse i Kigali

Minisiteri y’Ubuzima yatangaje ko kuri uyu wa Mbere tariki 10 Kanama 2020, mu Rwanda habonetse abarwayi bashya cumi na babiri banduye COVID-19, naho abandi 46 bari barwaye bakaba bakize.

Abo barwayi cumi na babiri babonetse mu bipimo 5,720, abamaze kuboneka mu Rwanda banduye icyo cyorezo bose hamwe baba 2,152.

Minisiteri y’Ubuzima yasobanuye ko abo barwayi bashya cumi na babiri barimo icyenda babonetse muri Kigali (abahuye n’abanduye), abandi batatu babonetse i Rubavu.

Muri rusange kugeza kuri uyu wa Mbere abamaze gukira bose hamwe ni 1,392 naho abakivurwa ni 753.

Ku Cyumweru tariki 09 Kanama 2020 umuntu wa karindwi yishwe na COVID-19 mu Rwanda, Uwo akaba ari umubyeyi w’imyaka 77 wo mu Mujyi wa Kigali.

Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.

Shakisha izindi nkuru
kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka