Minisitiri w’Ubuzima muri Tanzania, Ummy Mwalimu, yabwiye abanyamakuru ko uyu ari umuturage wa Tanzania, akaba ari umugore w’imyaka 46 wageze muri iki gihugu avuye mu Bubiligi aje n’indege ya Rwandair.
Indege ya Rwandair isanzwe ikora ingendo muri Tanzania no mu Bubiligi.

Tanzania ibaye igihugu cya gatatu muri aka karere kigezemo Coronavirus, nyuma ya Kenya n’u Rwanda.

Minisitiri Mwalimu yatangaje ko uyu murwayi ari kuvurwa kandi ameze neza kugeza ubu.

Mu itangazo ryashyizwe ahagaragara na Leta ya Tanzania, Minisitiri Ummy Mwalimu yavuze ko Leta ya Tanzania yafashe ingamba zo kwitegura guhangana n’iyi ndwara mbere y’uko ihagera.

Dore uko Coronavirus ihagaze muri Afurika yo munsi y’Ubutayu bwa Sahara:

 South Africa 62

 Senegal 24

 Rwanda 5

 Cameroun 4

 Ivery Coast 4

 Ethiopia 4

 Burkina Faso 3

 Kenya 3

 Seychelles 3

 Nigeria 2

 DR Congo 2

 Namibia 2

 Sudan 1

 centre Afrique 1

 Congo Brazza 1

 Gabon 1

 Guinea 1

 Eswatini 1

 Togo 1

 Tanzania - 1

 Somalia - 1

MENYA UMWANDITSI

KT Editorial

Abanyamakuru ba Kigali Today

@ kigalitoday

Reba inkuru zose nanditse ( 2941 )