Coronavirus: Muri Tanzania habonetse umuntu wa mbere wanduye

Leta ya Tanzania yemeje ko muri iki gihugu hagaragaye umuntu wa mbere wanduye Coronavirus (CIVID-19), akaba ari umugore waturutse mu Bubiligi.

Minisitiri w’Ubuzima muri Tanzania, Ummy Mwalimu, yabwiye abanyamakuru ko uyu ari umuturage wa Tanzania, akaba ari umugore w’imyaka 46 wageze muri iki gihugu avuye mu Bubiligi aje n’indege ya Rwandair.
Indege ya Rwandair isanzwe ikora ingendo muri Tanzania no mu Bubiligi.

Tanzania ibaye igihugu cya gatatu muri aka karere kigezemo Coronavirus, nyuma ya Kenya n’u Rwanda.

Minisitiri Mwalimu yatangaje ko uyu murwayi ari kuvurwa kandi ameze neza kugeza ubu.

Mu itangazo ryashyizwe ahagaragara na Leta ya Tanzania, Minisitiri Ummy Mwalimu yavuze ko Leta ya Tanzania yafashe ingamba zo kwitegura guhangana n’iyi ndwara mbere y’uko ihagera.

Dore uko Coronavirus ihagaze muri Afurika yo munsi y’Ubutayu bwa Sahara:

 South Africa 62

 Senegal 24

 Rwanda 5

 Cameroun 4

 Ivery Coast 4

 Ethiopia 4

 Burkina Faso 3

 Kenya 3

 Seychelles 3

 Nigeria 2

 DR Congo 2

 Namibia 2

 Sudan 1

 centre Afrique 1

 Congo Brazza 1

 Gabon 1

 Guinea 1

 Eswatini 1

 Togo 1

 Tanzania - 1

 Somalia - 1

MENYA UMWANDITSI

kigalitoday android app mobile

Ibitekerezo   ( 1 )

Uwiteka arahari kandi araturinda. dukomeze ingamba z’isuku.

alias yanditse ku itariki ya: 16-03-2020  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka