Coronavirus imaze kugera mu bihugu 70 (Urutonde)

Coronavirus ni icyorezo cyugarije isi guhera mu ntangiriro z’uyu mwaka wa 2020, kikaba mu mezi abiri gusa kimaze guhitana abarenga ibihumbi bitatu hirya no hino ku isi.

Ifoto igaragaza uko Coronavirus igenda ikwirakwira mu mubiri (Ifoto: NIAID)
Ifoto igaragaza uko Coronavirus igenda ikwirakwira mu mubiri (Ifoto: NIAID)

Hagati mu kwezi k’Ukuboza k’umwaka ushize wa 2019 nibwo Umujyi wa Wuhan mu Bushinwa wagaragayemo indwara y’ibicurane iterwa n’agakoko(virus) katangiye kitwa 2019-nCoV nyuma kaza kwitwa Covid-19.

Mu mpera z’ukwezi kwa Mutarama 2020 Coronavirus yari imaze gufata ibice bitandukanye by’u Bushinwa ndetse imaze no kwambukira muri bimwe mu bihugu bituranye na bwo.

Ibi byatumye Ishami ry’Umuryango w’Abibumbye ryita ku buzima(OMS) ritangaza ko isi yose igomba gufatira ingamba zihuse indwara ya Coronavirus.

Kugeza mu gitondo cyo kuri uyu wa mbere tariki 02 Werurwe 2020 umubare w’abamaze guhitanwa n’iki cyorezo hirya no hino ku isi wari ugeze ku 3,069. Abamaze kwandura baragera kuri 89,779, naho abo byagaragaye ko bamaze gukira bakaba bari 45,501, guha nyuma hari bamwe basuzuma bagasanga ikibarimo.

Kuri ubu Coronavirus imaze kugera mu bihugu 70 byo hirya no hino ku isi, ariko ibimaze gupfusha abaturage benshi ni u Bushinwa bumaze kurenza abantu 2,954 bugakurikirwa na Korea y’Epfo yapfushije abarenga 30.

Coronavirus nta muti nta n’urukingo irabona, ariko hagati aho abaganga barifashisha imiti igabanya ubukana bwa SIDA ndetse n’ibinini bya Chloroquine bivura malaria, umurwayi yagira amahirwe agakira.

Kugeza mu gitondo cyo kuri uyu wa mbere tariki 02 Werurwe 2020, ibihugu byari bimaze kugaragaramo indwara ya Coronavirus ni u Bushinwa (80,026), Korea y’Epfo (4,335), Italy (1,704), Iran(1,501), Diamond Princess (705 ), Japan (256), Germany (150), France (130), Singapore (106), Hong Kong (100), Leta zunze Ubumwe za Amerika (88), Esipanye (86), Kuwait (56), Bahrain (47), Thailand (43), Taiwan (40), u Bwongereza (36), Australia (30), Malaysia (29), Canada (24), u Busuwisi (24), Iraq (21), U.A.E. (21), Norvege (19), Vietnam (16), Autriche (15), Sweden (14), Macao (10), Israel (10), Lebanon (10), u Buholandi (10), San Marino (8), Belgium (8), Croatia (8), Greece (7), Ecuador (6), Finland (6), Oman (6), u Buhinde (5), Mexico (5), Denmark (4), Pakistan (4), Philippines (3), Algeria (3), Azerbaijan (3), Czechia (3), Georgia (3), Iceland (3), Qatar (3), Romania (3), Brazil (2), Egypt (2), Indonesia (2), Portugal (2), u Burusiya (2).

Ibindi bihugu byari bimaze kubonekamo umuntu umwe wanduye Coronavirus. Ibyo ni Afghanistan, Andorra, Armenia, Belarus, Cambodia, Dominican Republic, Estonia, Lithuania, Luxembourg, North Macedonia, Monaco, Nepal, New Zealand, Nigeria, na Sri Lanka.

MENYA UMWANDITSI

kigalitoday android app mobile

Ibitekerezo   ( 2 )

abantu dukabije gukora ibyaha ntituzabura no guhanwa.

Fagaspas yanditse ku itariki ya: 2-03-2020  →  Musubize

Gusa iki ni ikigaragaza ko turi mu minsi ya nyuma
Niba nta muti nta rukingo ,nta kindi cyo gukora .Gusa bihe abantu kugarukira Imana gusa

Sibomana Gerald yanditse ku itariki ya: 2-03-2020  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka