Abandi bantu babiri bishwe na COVID-19 mu Rwanda

Minisiteri y’Ubuzima iratangaza ko Abanyarwanda babiri b’imyaka 45 na 55 y’amavuko bitabye Imana kuri uyu wa Kabiri tariki 18 Kanama 2020 bazize COVID-19, abamaze kwicwa n’icyo cyorezo bose hamwe mu Rwanda baba icumi.

Minisiteri y’Ubuzima kandi yatangaje ko kuri uyu wa Kabiri mu Rwanda abantu 22 bakize icyorezo cya COVID-19, mu gihe habonetse abarwayi bashya 37.

Abo barwayi bashya 37 barimo 28 babonetse i Kigali bakaba ari abahuye n’abanduye, abandi bapimwa mu bibasiwe kurusha abandi. I Rusizi habonetse 6, i Rwamagana haboneka 1, i Rubavu haboneka 1, undi 1 aboneka i Huye.

Muri rusange kugeza kuri uyu wa Kabiri abamaze gukira bose hamwe ni 1,683 naho abakivurwa ni 884. Iki cyorezo mu Rwanda kimaze kuboneka ku bantu 2,577.

Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.

Shakisha izindi nkuru
kigalitoday android app mobile

Ibitekerezo   ( 1 )

Twese nkabanyarwada tugomba gukuricyiza amabwiriza yashyizweho nareta kuko icyorezo cya COVID-19 cyirica.

HATANGIMANA Landouard yanditse ku itariki ya: 19-08-2020  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka