Aba bacamanza bategerejwe mu cyumweru gitaha ku kicaro cy’urukiko ruca imanza z’ibyaha by’intambara n’ibyibasiye ikiremwa muntu rwa Ottawa.

Mungwarere w’imyaka 39 agiye kuba Umunyarwanda wa kabiri uciriwe urubanza n’urukiko rwa Ottawa nyuma ya Desire Munyaneza wakatiwe igihano cyo gufungwa burundu n’uru rukiko mu 2009.

Abacamanza12 bazatoranywa ngo bace uru rubanza bagomba kuba bavuga byibura icyongereza n’igifaransa, ndetse bakaba biteguye kuburana urubanza rushobora kumara amezi atari munsi y’icyenda ; nk’uko CBC yabitangaje.

Mungwarere wari umwarimu, aregwa ubwicanyi bwabereye muri kiriziya ebyiri ndetse no mu bitaro bya Kibuye. Yafashwe mu 2003 i Wndsor muri Canada nyuma yo kumenywa n’uwari inshuti ye mu bwana bahuriye ahategerwa imodoka.

Jean Noel Mugabo