Mugesera yagejejwe imbere y’urukiko rukuru rwa Nyarugenge 08h46 azanywe n’abapolisi babiri. Yisobanura mu mvugo ituje mu rubanza rwari rwitabiriwe ahanini n’abanyamakuru bo mu Rwanda na mpuzamahanga, Mugesera yabwiye urukiko ko ataritegura bihagije kuko agikeneye kuvugana n’umwunganizi we.

Yasabye urukiko rwari ruyobowe na Souda Murererehe kumuha igihe cyo kwitegura kiri hagati y’ukwezi kumwe n’abiri, ariko yongeraho ko bishoboka ko icyo gihe nacyo kitageraho.

Yavuze ko yifuzaga kuzunganirwa n’umunya Canada ariko akaza kumubwira ko yamuboneye uwamufasha wo mu Rwanda, akaba ariyo mpamvu akeneye igihe cyo kuvugana nawe.

Byarangiye urukuko rumuhaye amezi abiri yo kwitegura no kuvugana n’umwunganizi we, nk’uko yabyisabiye. Urubanza ruzasubukurwa tariki 02/04/212 ku kicaro cy’urukiko rukuru rwa Nyarugenge.

Dore amwe mu mafoto yafatiwe mu rubanza:

Mugesera mu rukiko n’umunyamategeko

Abapolisi bazana Mugesera mu rukiko.

Urubanza rwari rwitabiriwe n’abantu benshi

Abari bayoboye urubanza, hirya yabo ni abanyamakuru bafataga amafoto.

Emmanuel N. Hitimana