Niyitegeka yakatiwe igihano cy’igifungo cya burundu arimo gukorera mu gihugu cya Mali. Yasabye inshuti z’urukiko gukora iperereza ku mutangabuhamya wiswe GGV mu rwego rwo gutangira kumukurikirana mu rukiko ku buhamya bw’ “ibinyoma” yatanzweho; nk’uko ibiro ntaramakuru bya Hirondelle bibitangaza.

“Urukiko rusanga Niyitegeka nta mpamvu agaragaza ko umutangabuhamya GGV yabeshye urukiko abigambiye kandi abishaka”; nk’uko icyemezo cy’urukiko kibivuga.

Abunganira Niyitegeka mu nkiko bavuga ko basabwe ko umwirondoro w’abatangabuhamya b’ubushinjacyaha utangazwa kugira ngo batangire kubakurikirana mu nkiko zo mu Rwanda ariko urukiko rwemeza ko ntabyo rwasabwe.

Niyitegeka yahamwe n’ibyaha bya Jenoside n’ibyaha byibasiye inyokomuntu kuwa 05/04/2003 akatirwa igihano cyo gufungwa ubuzima bwe bwose. Icyo gihano cyemejwe kandi n’urugereko rw’ubujurire tariki 09/07/2004.

Nshimiyimana Leonard