KT TV
Rusesabagina yavuze ko azunganirwa na Me Gatera Gashabana, urubanza rurasubikwa
Paul Rusesabagina uregwa gushinga no gutera inkunga umutwe wa FLN wigambye ibitero byahitanye abaturage i Nyamagabe na Nyaruguru muri 2018, ntabwo yaburanye ku bijyanye n’igifungo cy’agateganyo yari yongerewe n’Urukiko rw’Ibanze rwa Kicukiro mu kwezi gushize.
Ubwo urwo rukiko rwari rumaze gufata icyemezo cyo gukomeza kumufunga by’agateganyo ku wa 23 Ukwakira 2020, Rusesabagina yahise ajururira mu Rukiko Rwisumbuye rwa Nyarugenge ku nshuro ya kabiri.
Urwo rukiko rwari kumuburanisha ku wa Gatanu w’icyumweru gishize, ariko na bwo abamwunganira mu mategeko barabuze bituma urwo rubanza rwimurirwa kuri uyu wa Kabiri tariki 10 Ugushyingo 2020.
Rusesabagina yari yabwiye Urukiko Rwisumbuye rwa Nyarugenge ko abamwunganiraga ari bo Me David Rugaza na Me Emelyne Nyembo babiretse bagasubira mu Rrugaga rw’Abavoka.
Kuri uyu wa Kabiri na bwo urubanza ntirwaburanishijwe bitewe n’uko Me Gatera Gashabana uje kunganira Rusesabagina ngo ari i Arusha muri Tanzania mu kazi ko kunganira abantu mu mategeko.
Me Gashabana yari yarandikiye urukiko ko azaboneka ku itariki 20 Ugushyingo 2020 bitewe n’ifatwa ry’ibipimo bya Covid-19 ritinda ku mipaka y’ibihugu byombi (Tanzania n’u Rwanda).
Umucamanza yasabye ubushinjacyaha kugira icyo bubivugaho, bukaba bwahise bwemerera urukiko ubusabe bwa Me Gashabana, n’ubwo ngo imanza zijyanye n’ifungwa n’ifungurwa ry’agateganyo ziba zigomba kwihutishwa.
Umucamanza yafashe umwanzuro wo kwimurira urubanza rw’ubujurire rwa Rusesabagina ku itariki 20 Ugushyingo 2020 nk’uko Me Gatera Gashabana yari yanditse abisaba.
Paul Rusesabagina kuri ubu ufungiwe muri gereza ya Mageragere, kuri uyu wa Kabiri yahaye ibisobanuro Urukiko Rwisumbuye hifashishijwe ikoranabuhanga rya Iyakure (Teleconference).
Inkuru zijyanye na: Rusesabagina
- Hari ibyo Al Jazeera yatangaje ku ifatwa rya Rusesabagina bitakwitirirwa Leta y’u Rwanda - MINIJUST
- Urubanza rwa Rusesabagina ruzasubukurwa ku wa 05 Werurwe 2021
- Rusesabagina arasaba igihe cyo gutegura urubanza
- Urukiko rwanzuye ko rufite ububasha bwo kuburanisha Rusesabagina
- Senateri Uwizeyimana asanga kwihakana ubwenegihugu bw’u Rwanda kwa Rusesabagina ntacyo byamufasha mu rubanza
- Rusesabagina n’umwunganizi we ntibemera ko urukiko rumuburanisha rubifitiye ububasha
- Nsabimana Callixte: Ni gute Rusesabagina avuga ko atari Umunyarwanda kandi yarashakaga kuyobora u Rwanda?
- Guhakana Ubunyarwanda kwa Rusesabagina kwateje impaka mu rukiko
- Urubanza rwa Rusesabagina na FLN rwajemo abaturage 84 baregera indishyi
- Paul Rusesabagina yongeye kuvuga ko atari Umunyarwanda
- Nsabimana Callixte, Rusesabagina na Herman Nsengimana baraburanira hamwe kuri uyu wa Gatatu
- Urubanza rwa Nsabimana Callixte n’abo bareganwa rwimuriwe mu cyumba cy’Urukiko rw’Ikirenga
- Perezida Kagame yabwiye abasaba ko Rusesabagina arekurwa gutegereza umwanzuro w’ubutabera
- U Rwanda rwasubije Umudepite wa Amerika wasabye ko Rusesabagina arekurwa
- Ubushinjacyaha bwasabye ko dosiye ya Nsabimana Callixte na Herman Nsengimana zihuzwa n’iya Paul Rusesabagina
- Ubushinjacyaha bwaregeye dosiye ya Rusesabagina mu Rukiko Rukuru
- Rusesabagina arasaba ko urubanza rwe rwimurwa kuko abunganizi be bikuye mu rubanza
- Urukiko rwemeje ko Rusesabagina akomeza gufungwa by’agateganyo indi minsi 30
- Ubushinjacyaha bwasabye ko igifungo cy’iminsi 30 cy’agateganyo cyahawe Rusesabagina cyongerwa
- Rusesabagina agarutse mu Rukiko rw’Ibanze rwa Kicukiro kuri uyu wa Kabiri
Ibitekerezo
Ohereza igitekerezo
|
|
