KT TV
Rusesabagina yajuririye icyemezo cy’urukiko cyo kumufunga by’agateganyo
Urukiko rw’Ibanze rwa Kicukiro mu Mujyi wa Kigali, rwategetse ko Paul Rusesabagina afungwa by’agateganyo mu gihe cy’iminsi 30, bitewe n’uko ibyaha Ubushinjacyaha bumurega bifite impamvu ikomeye igaragaza ko bishobora kumuhama.
Rusesabagina yinjiye mu rukiko rw’Ibanze rwa Kicukiro, ku isaha ya saa munani n’iminota 41, ku gicamunsi cyo kuri uyu wa Kane tariki 17 Nzeri 2020.
Urukiko rwabanje gusomera Rusesabagina incamake y’ibyaha 13 Ubushinjacyaha bumurega, byose bijyanye no gushinga umutwe w’iterabwoba wa FLN no kuwutera inkunga.
Uwo mutwe urashinjwa kugaba ibitero ku nkengero z’Ishyamba rya Nyungwe mu Turere twa Nyaruguru na Nyamagabe, ukaba uvugwa ko wishe abaturage icyenda, ubasahura imitungo ndetse unabatwikira imodoka n’inzu mu mwaka wa 2018 na 2019.
Urukiko rwashingiye ku ngingo ya gatatu (3) y’itegeko ryerekeye imiburanishirize y’imanza z’inshinjabyaha, ruvuga ko ibyaha Rusesabagina aregwa biteganyirizwa igifungo kirengeje imyaka ibiri, kubera iyo mpamvu akaba agomba kuburana afunzwe.
Urukiko rwatesheje agaciro inzitizi ku buzima bwa Rusesabagina zari zagaragajwe n’abamwunganira, ari bo Me David Rugaza na Evelyne Nyembo, ruvuga ko umukiriya wabo ashobora kujya kwivuza nubwo yaba afunzwe.
Icyo cyemezo cy’urukiko ntabwo cyashimishije Rusesabagina, akaba we ubwe yahise ajuririra mu rukiko rwisumbuye.
Rusesabagina yagize ati “Ndamenyesha yuko iki cyemezo cy’urukiko cy’aka kanya nkijuririye kandi nsaba ko bishyirwa mu bikorwa”.
Uru rukiko rwari rwaburanishije urubanza rwa Rusesabagina ku ifungwa n’ifungurwa ry’agateganyo ku wa mbere w’iki cyumweru tariki 14 Nzeri 2020.
Rusesabagina utuye mu Bubiligi afite ubwenegihugu bw’icyo gihugu hamwe n’ubw’u Rwanda, aregwa kuba umwe mu bayobozi b’impuzamashyaka ya MRCD, ifite umutwe w’abarwanyi wa FLN.
Inkuru bijyanye na: Rusesabagina
- Ubushinjacyaha bwaregeye dosiye ya Rusesabagina mu Rukiko Rukuru
- Rusesabagina yavuze ko azunganirwa na Me Gatera Gashabana, urubanza rurasubikwa
- Rusesabagina arasaba ko urubanza rwe rwimurwa kuko abunganizi be bikuye mu rubanza
- Urukiko rwemeje ko Rusesabagina akomeza gufungwa by’agateganyo indi minsi 30
- Ubushinjacyaha bwasabye ko igifungo cy’iminsi 30 cy’agateganyo cyahawe Rusesabagina cyongerwa
- Rusesabagina agarutse mu Rukiko rw’Ibanze rwa Kicukiro kuri uyu wa Kabiri
- Umushinjacyaha Mukuru w’u Bubiligi yatanze inkunga mu rubanza rwa Rusesabagina
- Urukiko rutegetse ko Rusesabagina akomeza gufungwa by’agateganyo
- Ntabwo Rusesabagina yabasha kwitandukanya na FLN - Ubushinjacyaha
- Ubushinjacyaha bwerekanye imikoranire ya Rusesabagina na Nsabimana mu kwica abaturage muri 2018
- Rusesabagina mu mwambaro w’iroza, yabwiye Urukiko Rwisumbuye ko ntaho yari ahuriye na FLN
- Rusesabagina muri gereza: Urukiko rwategetse ko afungwa iminsi 30 y’agateganyo
- Rusesabagina yemeye ko yafashije FLN, ati “Mbisabiye imbabazi”(Video)
- Paul Rusesabagina araregwa ibyaha 13
- Urukuko rw’Ibanze rwa Kicukiro rwemeje ko rufite ububasha bwo kuburanisha Rusesabagina
- Rusesabagina yitabye Urukiko rw’Ibanze rwa Kicukiro: Umwunganizi we asanga nta bubasha rufite bwo kumuburanisha
- Dosiye ya Rusesabagina yamaze gushyikirizwa Ubushinjacyaha
- Perezida Kagame yaciye amarenga ku buryo Rusesabagina yageze mu Rwanda
- Abarokotse ibitero bya FLN barifuza ko Rusesabagina yajyanwa aho byabereye (Video)
- Abarokotse ibitero bya MRCD ya Rusesabagina barasaba indishyi z’ibyabo yahombeje (Video)
Ibitekerezo
Ohereza igitekerezo
|
|
