Bahame Hassan yabisabye mu gitondo cyo kuri uyu wa mbere tariki 1/6/2016 ubwo yitabaga urukiko rwisumbuye rwa Rubavu mu rubanza nshinjabyaha. Bahame ufatanyije icyaha na Kayitesi Judith, yatangaje ko yitabye urukiko yiteguye Ku burana ariko kuba asanze uwo barehanwa adahari ataburana wenyine.

Asaba ko nawe yarekurwa akaburana ari hanze kuko n uwafatanywe igihanga cya Ruswa urukiko rwasanze ntacyo yakwangiza afunguwe.

Kayitesi wari umunyamategeko w akarere ka Rubavu yafatanywe Ruswa ya miliyoni enye, avuga ko yari yatumwe na Bahame wari umuyobozi w akarere. Yafunzwe atwite inda nkuru kugeza aho abyariye kuri Gereza abazwe biba ngombwa ko afungurwa, kugira ngo ubuzima bwe n ubw’umwana bwitabweho.

Umunyamategeko wunganira Kayitesi mu rukiko akaba yatangaje ko adashobora guhagararira Kayitesi mu rukiko adahari kuko inyito y icyaha aregwa gifatwa nk ubugome kandi nyiracyo adahagararirwa.

Bahame yasabye urukiko Ku murekura kuko uwafatanywe igihanga cya Ruswa yarekuwe nawe akajya yitaba urukiko ari hanze kandi gufungurwa kwe bitakwica iperereza kuko ryarangiye.

Ubushinjacyaha bwabajijwe ku kifuzo cya Bahame bwagiteye utwatsi bushingiye ko Kayitesi yafunguwe kubera impamvu zigenwa n amategeko mu kurengera ubuzima bw umwana n’umubyeyi. Buvuga ko Bahame nta mpamvu yatuma afungurwa nkuko Kayitesi yafunguwe.

Urukiko rwisumbuye rwa Rubavu rwafashwe umwanzuro wo gusubika urubanza rukabanza rukiga ku ntambamyi za Bahame, umwanzuro ukaba uzatangwa n urukiko tariki ya 3/6/2015 saa munani.

Sylidio Sebuharara