Ruhango: Abaturage b’umurenge wa Mwendo biyujurije Sacco ifite agaciro ka miliyoni 25

Abanyamuryango ba Sacco “Abahizi Dukire” ya Mwendo bafatanyije n’ubuyobozi bw’iyi Sacco, bashoboye kwiyubakira inyubako bazajya abakoreramo ifite agaciro k’amafaranga angana miliyoni 25 n’ibihumbi 536, aho abanyamuryango batanze angana na miliyoni 15.

Ifungurwa ku mugaragaro kuri uyu wa Gatany tariki 14/09/2012, abanyamuryango bayo batangaje ko kuva yatangira muri 2009, iyi Sacco yabagabanyirije ingendo bakoraga bajya mu Ruhango n’ahandi babitsaga kure.

Depite Francois Byabarumwanzi afungura Sacco Abahizi Dukire.
Depite Francois Byabarumwanzi afungura Sacco Abahizi Dukire.

Naho abandi bo bavuga ko bakize kujya babika amafaranga mu bimuga, aho rimwe na rimwe basangaga yarangiritse.

Afungura iyi nyubako ku mugaragaro, Depite Francois Byabarumwanzi, yagarutse ku bayobozi bamwe bagenda bagaragaza imyitwarire mibi bakanyereza umutungo w’abaturage baba barizigamiye muri za Sacco.

Bamwe mu baturage bitabiriye kureba inzu biyubakiye ifungurwa ku mugaragaro.
Bamwe mu baturage bitabiriye kureba inzu biyubakiye ifungurwa ku mugaragaro.

Yasabye ubuyobozi bwa Sacco Abahizi Dukire Mwendo, kutazarangwa n’iyo nyota yo kunyereza umutungo w’abaturage baba babagiriye ikizere.

Gusa n’ubwo iyi Sacco ivuye mu nyubako y’umurenge, ikaba igiye gukorera mu nyubako yayo, iracyafite ibibazo by’umuriro n’amazi, kuko kugeza ubu umurenge wa Mwendo uri mu mirenge y’akarere ka Ruhango itaragerwamo amashanyarazi; nk’uko bitangazwa na Maurice Udahemuka umuyobozi w’iyi Sacco.

Twagirimana Epimaque ushinzwe imari n’iterambere mu karere ka Ruhango, yijeje abanyamuryango b’iyi Sacco ko umuriro uzabageraho mu gihe gito, kuko b’iri mu mihigo y’umwaka 2012-2013.

Eric Muvara

kigalitoday android app mobile

Ibitekerezo   ( 1 )

TURAKORA WE.

WANGU yanditse ku itariki ya: 16-09-2012  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka