Umukozi ushinzwe ibikorwa byo kwamamaza mu ruganda rwa Skol Benito Karemera, avuga ko gushyira hanze icupa rito ari ugushyira mu bikorwa ibyifuzo by’abakiriya no korohereza abakunzi ba Lager kubona inzoga ku bushobozi bwa buri wese kandi rikazajya rifasha abakiriya bayo mu gukesha ibirori.

icupa rito rya Skol ryasyizwe ahagaragara mu rwego rwo gushimisha abakiriya.

Yagize ati “Twabonye ko abantu bakunda inzoga ya skol lager cyane cyane ku bashaka kwishiisha no gukesha ibirori nuko twumva byaba byiza tubashyiriyeho agacupa koroshye mu kuryoshya ibirori kandi inzoga igakomeza kugira uburyohe bw’umwimerere nk’iyo mu icupa rinini.”

Iri cupa rito rya Skol lager gashyizwe ku isko nyuma y’uko uruganda rwenga inzoga rwa Skol rwari rwasohoye icupa rinini rya Cl 50 mu kwezi kwa Kamena 2014.

Karemera avuga ko icupa rito rya Skol lager rije risanga ubundi bwoko bw’inzoga buturuka mu ruganda rwa Skol ari zo Skol malt 33cl, Skol Gatanu, Pananche na Virunga.

Uruganda rwa Skol rugaragaza ko 33 Skol ari ubundi buryo bwo guhiga mukeba warwo Bralirwa ikomeje kongera umubare munini w’amacupa mato nka Mutziig 33 cl ku isoko.

Skol Larger mu icupa rya 33cl iraboneka ku giciro cya 500Frw mu tubari, cyane cyane ku rubyiruko ruri hejuru y’imyaka 18 kugeza kuri 25.

MENYA UMWANDITSI

Ephrem Murindabigwi

Umunyamakuru

@ murieph

Reba inkuru zose nanditse ( 1700 )