Mu rwego rwo kugaragaza ko bishimiye uburyo abayisilamukazi biteza imbere, Mufuti w’u Rwanda yemereye amatsinda arusha ayandi amafaranga angana na miliyoni yo kubafasha.

Abayisilamukazi bo mu karere ka Ngoma bari mu mashyirahamwe atandukanye abaha inyungu ndetse bakagira ibimina bibafasha kubona igishoro ngo bacuruze.

Uhagarariye Abayisilamukazi mu karere ka Ngoma, Tuyisenge Jaliya, yavuze ko mu mezi umunani bamaze bibumbira mu mashyirahamwe ngo biteze imbere hari byinshi bimazeguhinduka.

Yabisobanuye agira ati “Umuyisilamukazi wo mu karere ka Ngoma ubu yarajijutse, ubu nta bwigunge tukirimo ntidutinya twegera ubuyobozi tukabubwira ibibazo dufite bakadufasha.”

Mu byo Abayislamukazi bo mu karere ka Ngoma bamurikiye Mufti w’u Rwanda harimo amashyihamwe y’aborozi, ababoha ibintu bitandukanye ndetse n’abibumbiye mu bimina bahana mafaranga ngo biteze imbere bakora imishinga ibyara inyungu.

Jean Claude Gakwaya